Efeso 1:23 - Tosi Tapu

²³ leia ko lona tino, ko le apeleaga katoa o leia e fakaapele ia nea fuli i kakai fuli.

Efeso 1:23 ပူးပေါင်းရင်းမြစ်များ

Soane 1:16

Ti kua tou tali fuli mei lona apele katoa le kalasia ki le kalasia ;

Loma 13:5

Koia e aoga ai ke fakataulalo, o leaise tupu fua ko le i ki le tua, kae o tupu foki ko le loto.

Uluaki tosi ki le kau Kolinto 12:6

mo gaoi kesekese, kae ko le Atua fuai e tasi leia e fai ia a nea fuli i tagata fuli.

Uluaki tosi ki le kau Kolinto 15:28

Ti ka oki loa le fakataulaloi o nea fuli kia Kilisito, e fakataulalo loa le Alo totonu ki leia na tuku ia a nea fuli kiate ia, o tupu ke katoa le Atua i nea fuli.

Efeso 2:16

ti ke fakatokatoka laua mo le Atua i se tino e tasi i le koluse, o maumaui le fefiliaki i le koluse.

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Efeso 4:10

Ko leia na ifo, ko ia foki leia na pale ki aluga o le atu lagi fuli, o tupu ke fakaapele e ia a nea fuli.

Efeso 4:12

ki le teuteui o le kau sagato ke malie tukupau, ti mo le fai o le gaoi o le fakasausau ti mo le faufau o le tino o Kilisito,

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Efeso 4:4

E i ai se tino e tasi, mo se Laumalie e tasi, ofai foki pe koutou ala na kalagai ki se amanaki malie e tasi i lokoutou vokasio ;

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.