Efeso 1:22 - Tosi Tapu

²² Ti kua tuku e ia a nea fuli ki ona vae, ti kua soli e ia a ia ko le Ulu o le Ekelesia,

Efeso 1:22 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Pesalemo 110:1

A Tavite. Pesalemo. Folafola a le Eteleno ki loku Aliki : Nofo a koe i loku fetuu atamai, O kaku ki laku fai ki ou fili lou tekiaga vae.

Pesalemo 91:13

E ke saele loa i aluga o le laione mo le gata velo, E ke takatakafi loa le uviki laione mo le talakone.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Uluaki tosi ki le kau Kolinto 11:3

Kae e kau loto ke kotou iloa ko Kilisito ko le pule a ia o tagata fuli ; ti ko le tagata ko le pule a ia o le fafine ; ti ko le Atua ko le pule a ia o Kilisito.

Efeso 3:21

ke tuku kiate ia le kololia i le Ekelesia ia Sesu-Kilisito, i tautupu fuli, i sekulo mo sekulo ! Amene !

Efeso 5:23

talie ko le tagata ko le pule a ia o le fafine, ofaipe Kilisito ko le Pule a ia o le Ekelesia, leia ko lona tino, ti ko ia foki ko lona fakamauli.

Kolose 1:18

Ko le ulu a ia o le tino, o le Ekelesia ; ko le kamataaga a ia, ko le uluaki tupu a ia mei le kau mate, o tupu ke uluaki a ia i nea fuli.

Kolose 1:8

ti na fakasa mai e ia kia maua le lasi o lokoutou alofa i le Laumalie.

Kolose 2:10

E kotou maua nea fuli o apele iate ia, leia ko le ulu o pule fuli ti mo makeke fuli.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Epelo 2:8

Na ke tuku nea fuli ki ona tagavae. Talie, i lana tuku ke fakalogo a nea fuli kiate ia, na leaise tuku e le Atua se nea e tasi ke aua na fakalogo kiate ia. Kae i le temi nei e leikiaise tou tio kua fakalogo nea fuli kiate ia.