Efeso 1:17 - Tosi Tapu

¹⁷ o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 1:17 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Sopo 42:5

Na logo loku taliga ki masau kiate koe ; Kae i le lakaga nei, kua tio oku mata kiate koe.

Pesalemo 24:10

Ko ai le sau lena o le kololia ? Ko le Eteleno o kau tau : Ko lena le sau o le kololia ! - Manava.

Pesalemo 24:7

Matapa, ke kotou siki ki aluga okoutou kau matapa ; Ke kotou malaga ki aluga, matapa lee gato ! Ke kotou tuku ke ulu le sau o le kololia !

Pesalemo 29:3

E gugulu le leo o le Eteleno i aluga o atu vai. E fakagugulu e le Atua o le kololia le mana. E nofo le Eteleno i aluga o atu vai lalasi.

Ekesote 28:3

E ke masau loa kia latou fuli ala e poto, latou ala kua kau soli ki ai se laumalie leia kua apele i le poto ; ti e lotou fai loa a kofu o Alone ki lona fakanofo mo le fai o lana gaoi fakapelepitelo.

Taagapati 18:15

E maua e le loto atamai le poto, Ti e afa e le taliga o le kau poto le iloa.

Taagapati 2:5

Ti e ke matala loa ki le i ki le Eteleno, Ti e ke maua loa le iloa o le Atua.

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 24:7

E kau soli loa kia latou se mafu ke lotou iloa ko au ko le Eteleno ; e lotou liliu loa ko loku kakai, ti e kau liliu loa ko lolatou Atua, mo kapau e lotou toe liliu mai kiate au i lolatou loto katoa.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 20:33

Na la pati loa kiate ia : Aliki, ke mavaa oma mata.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Luka 12:12

talie e ako atu loa e le Laumalie Maokioki kia koutou i le temi fai lena le nea leia e tonu ke kotou masau ki ai.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Soane 14:17

le Laumalie o le maoki, leia e leaise feala ke tali e le malama nei, talie e leaise tio a ia kiate ia ti e leaise iloa e ia a ia ; kae ko koutou, e kotou iloa a ia, talie e nofo a ia mo koutou, ti e nofo loa a ia ia koutou.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Gaoi 6:10

Kae na leaise lotou ma tatali ia le poto mo le Laumalie leia na masau ai a ia.

Gaoi 7:2

Ti na tali loa Setefano : Kau tagata fetaina mo tamana, kotou fakalogo mai ! Na sa loa le Atua o le kololia ki lotatou tamana ko Apalaamo, ka koi nofo a ia i le fenua o Mesopotamia, i mua o lana nofo i Salani ; ti na pati loa a ia kiate ia :

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 15:6

o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Uluaki tosi ki le kau Kolinto 14:6

Ti ko leinei, fetaina, kolea loa loku aoga kia koutou mo kapau e kau natu kia koutou o masau atu i ni masau kesekese, kae e leaise kau masau atu kia koutou i se levelasio, pe i se iloa, pe i se kikite, pe i se akonaki ?

Uluaki tosi ki le kau Kolinto 2:10

Ti kua fakasa e le Atua a nea ana kia tatou i lona Laumalie : Talie e ului e le Laumalie a nea fuli, tatau foki mo nea loloto o le Atua.

Uluaki tosi ki le kau Kolinto 2:8

Poto leia na leaise iloa e se tasi fua o le kau pule o le sekulo leinei, talie, kanapau na lotou iloa a ia, na leaise lotou tutuki loa i le koluse le Aliki o le kololia.

Lua tosi ki le kau Kolinto 12:1

E tonu ke fakakololia… E leaise malie le nea lena. Kae e kau fia masau i le temi nei ki nea ala na kau tio ki ai mo logo ki ai ti na fakasa mai e le Aliki kiate au.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Filipe 3:15

Koia ko tatou fuli ala ko ni tagata kua katoa, ke tou maua le manatu lena ; ti kapau e kotou maua se tasi ake manatu, e fakamalamai loa koutou e le Atua i le nea foki lena.

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Tito 1:1

Ko au Paulo, tagata fakasausau a le Atua, ti ko le apositolo a Sesu-Kilisito ki le tui a le kau filifiliia a le Atua, ti mo le iloa o le maoki leia e mulimuli ki le aga fakaatua,

Sakopo 2:1

Ei oku fetaina, ke mea lakoutou tui ki lotatou Aliki fakakololia ko Sesu-Kilisito mei fakapalatasi fuli.

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Apokalipisi 7:12

o pati : Amene ! Ke tuku ki lotatou Atua le fakavikiviki, mo le kololia, mo le poto, mo le fakafetai, mo le fakaapaapa, mo le mafimafi, ti mo le makeke, i sekulo mo sekulo ! Amene !