Efeso 1:13 - Tosi Tapu

¹³ Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 1:13 ပူးပေါင်းရင်းမြစ်များ

Pesalemo 119:43

Aua na ke too oki i loku gutu le folafola o le maoki ! Talie e kau fanaki ki au fakamaau.

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Luka 11:13

Kapau loa, ko koutou, ala ko nea agaveli, e kotou poto i le soli o nea malilie ki akoutou fanau, pe feaki ake loa le lasi o le fia soli e le Tamana i Selo o le Laumalie Maokioki kia latou ala e kole ake ia kiate ia.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 15:26

Ka au loa le Fakapelepele, leia e kau kakau mai loa kia koutou mei le Tamana, le Laumalie o le maoki, leia e au mei le Tamana, e fakamaoki loa a ia kiate au ;

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Gaoi 1:4

I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 6:17

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Lua tosi kia Timoteo 2:15

Faiga ke ke tuu i mua o le Atua ofaipe se tagata kua fakamaoki, leia e leaise luma fua i lana gaoi, ti e vaevae totonu ia le folafola o le maoki.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.

Tito 2:11

Talie kua fakasa le kalasia o le Atua, matapuna o le mauli ki tagata fuli.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Apokalipisi 7:2

Ti na kau tio loa ki se tasi ake aselo, na pale ake i le potu o le sopoaga o le laa, ti na too e ia le fakamau a le Atua mauli ; ti na kalaga loa a ia o leo lasi ki aselo e fa ala na tuku ki ai ke tautea ia le kele mo le tai, ti na pati loa a ia :