Apokalipisi 7:3 - Tosi Tapu

³ Aua na kotou tautea le kele, mo le tai, mo laakau, o kaku ki le oki o lamatou fakamailoga a lae o tagata fakasausau o lotatou Atua.

Apokalipisi 7:3 ပူးပေါင်းရင်းမြစ်များ

Ekesote 12:13

Ti ko le toto, e liliu loa a ia kia koutou ko se fakamailoga i fale ala e kotou nonofo ai loa ; e kau tio loa ki le toto, ti e kau fakasili loa ia koutou, ti e leaise maumaui loa koutou e se tautea ke kotou mamate ai, mo ka kau taai loa le fenua o Esipito.

Ekesote 12:23

Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 65:8

Ko leinei le folafola a le Eteleno : Ka maua se fui vite malie, ti e pati : Aua na maumaui a ia, Talie ko se tapuakina a ia ! E kau toe fai felaaki loa, o tupu ko loku alofa ki aku tagata fakasausau, Ke aua na maumaui nea fuli.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 3:26

Ti na fakafeofi loa Nepukatenesale ki mua o le gutuumu kaka, ti na masau loa a ia, o pati : Satalake, mo Mesake, mo Apeteneko, tagata fakasausau a le Atua taualuga, kotou ulu mai ki fafo, ti kotou au ! Ti na mavae ake loa Satalake, mo Mesake, mo Apeteneko mei loto o le afi.

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Apokalipisi 13:16

Ti na fakamaua loa e ia ke maua e tagata fuli, liliki mo lalasi, mou koloa mo mativa, lauatea mo popula, se fakamailoga i olatou lima atamai pe i olatou lae,

Apokalipisi 13:17

Ti ke aua na mafai ke totogi e se tasi pe fakatau, kae leaise maua e ia le fakamailoga lena, pe ko le igoa o le manu fekai, pe ko le numelo o lona igoa.

Apokalipisi 14:1

Ti na kau tio loa, ti ko leinei, na tuu le Akeno i le mauga o Sione, ti na tuu mo ia se kakai ko le tino lelau tino fa tupu fa afe, ala kua tosi i olatou lae lona suafa ti mo le suafa o lona Tamana.

Apokalipisi 14:9

Ti na muli loa iate ia se tasi ake aselo, ko se tolu aselo a ia, o pati leo lasi : Kapau e su se tasi ki le manu fekai ti mo lona fakatata, ti e maua loa e ia se fakamailoga i lona lae pe ko lona lima,

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Apokalipisi 22:4

Ti e lotou tio loa ki ona mata ; ti e tosi loa lona igoa i olatou lae.

Apokalipisi 6:6

Ti na kau logo loa i loto malie o manu mauuli e fa ki se leo leia na pati : Ko se fua fulumeto e tasi ki se tenalio e tasi, ti ko fua fulumeto uli e tolu ki se tenalio e tasi ; kae aua na ke fai se nea veli ki le lolo mo le vino.

Apokalipisi 7:1

I le oki o le nea lena, na kau tio loa ki aselo e toka fa i potupotu e fa o le malama nei. Ti na lotou taofi a matagi e fa o le malama nei, ke aua na agi se matagi ki le kele, pe ki le tai, pe ki se laakau.

Apokalipisi 7:2

Ti na kau tio loa ki se tasi ake aselo, na pale ake i le potu o le sopoaga o le laa, ti na too e ia le fakamau a le Atua mauli ; ti na kalaga loa a ia o leo lasi ki aselo e fa ala na tuku ki ai ke tautea ia le kele mo le tai, ti na pati loa a ia :

Apokalipisi 9:4

Ti na pati loa kia latou ke aua na lotou fai ia se nea veli ki le mutie o le kele, mo le vao sesega, ti mo laakau, kae ke gato fai ki tagata ala e leaise maua ia le fakamailoga o le Atua i olatou lae.