Apokalipisi 4:3 - Tosi Tapu

³ Ko leia na ekeeke i ai, na maua e ia le agaaga fulumalie o fatu mauiga ko le sasepe mo le saletuane, ti na takatakai le ekeekeaga fakasau e se nuanua na tatau mo le emelote.

Apokalipisi 4:3 ပူးပေါင်းရင်းမြစ်များ

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 28:18

Ko le lua atu : ko le kelenate, mo le safile ti mo le taimane,

Ekesote 39:11

ko le lua o atu : ko le kelenate, mo le safile, mo le taimane ;

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Esekiele 1:26

I le lagi leia i aluga o olatou ulu, na i ai se nea leia na faipe le safile, ti na fai foki pe se ekeekeaga fakasau ; ti na sa i aluga o le nea lena na faipe se ekeekeaga fakasau se mata o se tagata leia na teki i ai.

Esekiele 1:28

Na tatau le malama gigila lena na takatakai ia a ia mo le malama o le nuanua i se aso ua. Ko se paaki a ia o le kololia o le Eteleno. I laku tio ki le nea lena, na kau fakamapee loa, o fakatuu oku mata ki le kele, ti na kau logo loa ki le leo o se tasi leia na masau.

Esekiele 10:1

Na kau tio loa, ti ko leinei, i aluga o le lagi leia na tuu i aluga o ulu o selupino, na i ai se nea ofaipe le fatu ko le safile ; na sa i olatou aluga se nea ofaipe se ekeekeaga fakasau.

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Apokalipisi 10:1

Ti na kau tio loa na ifo mei le lagi se tasi ake aselo makeke. Na takatakai a ia e se ao, ti na i ai se nuanua i lona ulu ; na fai ona mata pe le laa, ti na fai ona vae pe ni pou afi.

Apokalipisi 21:11

Ti na tatau lona gigila mo leia o se fa fatu mauiga lasi, o se fa fatu ko le sasepe leia e malama ofaipe le kilisitale.