Apokalipisi 2:3 - Tosi Tapu

³ e ke maua le kataki fualoa, ti na ke mamae o tupu ko loku suafa, ti na leaise ke loto gaegae.

Apokalipisi 2:3 ပူးပေါင်းရင်းမြစ်များ

Pesalemo 37:7

Ke ke fakalologo i mua o le Eteleno, ti ke ke amanaki malie kiate ia ; Ke aua na ke mamae ki leia e manuia ona ala, Ki le tagata leia e fakasoko ia ana fakatuutuu veveli.

Pesalemo 69:7

Ko latou ala e tuku lalatou amanaki malie kiate koe, ke aua na luma o tupu ko au, Aliki, Eteleno o kau tau ! Ko latou ala e afa ia a koe, ke aua na luma o tupu ko au, Atua o Iselaele !

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Maleko 15:21

Ti na lotou fakamakeke loa se tagata leia na ifo mei faisaga, ko Simone mei Silene, ko le tamana o Alesatelo mo Lufusi, ke amo ia le koluse o Sesu.

Luka 14:27

Ti ko leia e leaise amo ia lona koluse o muli mai iate au, e leaise mafai ke liliu a ia ko laku tisipulo.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Luka 21:19

Kapau e kotou kataki fualoa, ti e kotou saofaki loa okoutou laumalie.

Luka 5:5

Na pati loa Simone kiate ia : Pule, na motou gaoi i le po katoa, o noa ; kae, i lau folafola, e kau fola loa a kupega.

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 16:12

Avake oku alofa kia Tilifena mo Tilifosa, ala ko fafine gaoi ki le Aliki. Avake oku alofa kia Pelesita le alofaaga leia na lasi ai lana gaoi ki le Aliki.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Uluaki tosi ki le kau Kolinto 13:7

e uufi e ia a nea fuli, e tui a ia ki nea fuli, e amanaki malie a ia ki nea fuli, e kataki e ia a nea fuli.

Uluaki tosi ki le kau Kolinto 16:16

Ke kotou fakaapaapa foki ki le tau tagata fenaaki, ti mo latou fuli ala e gaoi i le gaoi lena.

Lua tosi ki le kau Kolinto 10:15

E leaise ma fakakololia i ni gaoi a ni iki ake ala e tuu i tafa oma koiga. Kae e ma maua le amanaki malie, mo kapau e tupu loa o lasi lakoutou tui, ke ma liliu o toe lasi ake ia koutou, i loma faisaga totonu,

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Lua tosi ki le kau Kolinto 5:9

Koia foki leia e ma faiga ai ke ma malilie kiate ia, pe ma nonofo i le tino leinei, pe ma mavae i ai.

Lua tosi ki le kau Kolinto 6:5

i sasa, i pilisoni, i maveuveu, i gaoi pakia, i alaala pouli, i sesunio ;

Kalate 6:2

Kotou feamoaki a koutou kavega, ti e kotou fakasoko loa i ai le lao a Kilisito.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Filipe 2:16

o amo le folafola o le mauli ; ti e mafai loa ke kau fiafia i le aso o Kilisito, na leaise kau makape noa ti na leaise kau gaoi noa.

Filipe 4:3

Ti ko koe foki, ko loku kaukau nea agatonu, io, e kau kole atu kiate koe ke ke tokoi kia laua, ala na tau fakatasi mo au ki le Evaselio, ti mo Kelemete mo la ake oku kaukau soa i le gaoi, latou ala kua tuu olatou igoa i le tosi o le mauli.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi ki le kau Tesalonika 5:12

E motou kole atu kia koutou, fetaina, kotou fakaapaapa kia latou ala e gaoi kia koutou, mo takitaki ia koutou i le Aliki, ti mo ako ia koutou.

Lua tosi ki le kau Tesalonika 3:13

Kia koutou, fetaina, aua na kotou kaekae i le fai o le malie.

Lua tosi ki le kau Tesalonika 3:5

Ke takitaki e le Aliki okoutou loto ki le alofa o le Atua ti mo le kataki fualoa o Kilisito !

Lua tosi ki le kau Tesalonika 3:8

Na leaise motou kai noa se pane a se tasi, kae i le gaoi ti mo le pakia, na motou gaoi i le po mo le ao, o tupu ke aua na motou liliu ko se kavega ki se tasi ia koutou.

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Epelo 12:1

Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Epelo 13:13

Koia ke tou mavae o ano mo ia ki le tua kolo, o amo lona matagafua.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Epelo 6:15

Ti na maua loa e Apalaamo le nea leia na fakapapau kiate ia o tupu ko lana kataki fualoa.

Lua tosi a Petelo 1:6

e le iloa le loto lolomi, e le loto lolomi le kataki fualoa, e le kataki fualoa le alofa ki le Atua,

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.