Apakuki 3:6 - Tosi Tapu

⁶ E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Apakuki 3:6 ပူးပေါင်းရင်းမြစ်များ

Senesi 49:26

E fakalaka a tapuaki o lou tamana i tapuaki o oku tamana, o kaku ki tumutumu o mauga lee gato. Ke ifo a tapuaki ana ki le ulu o Sosefo, Ki le tumutumu o le ulu o le aliki o ona fetaina !

Sopo 21:18

Ke lotou faipe le mutie leia kua agina i le matagi, Pe le penu leia kua ave e le asesio.

Sopo 9:5

E fokifa fai e amo e ia a mauga lalasi, E soloi e ia latou i lona ita.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 104:32

E tio a ia ki le kele, ti e lulu a ia ; E fafa lona lima ki mauga, ti e lotou kokofu.

Pesalemo 35:5

Ke lotou faipe le penu leia e veteki e le matagi, Ti ke kapu latou e le aselo a le Eteleno !

Pesalemo 68:16

Mauga o le Atua, mauga o Pasani, Mauga e tumutumu mauke, mauga o Pasani,

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Pesalemo 97:5

E okioki a mauga ofaipe se fa silo i mua o le Eteleno, I mua o le Aliki o le malama nei katoa.

Ekesote 15:14

E logo a kakai ki le nea lena, Ti e lotou lulu : E kaku le i ki le kau Filisitini ;

Ekesote 15:15

Kua sevaia a pule o Etome ; Kua lulu tagata tau o Moape ; Kua manava veli kakai fuli o Kanaane.

Ekesote 15:17

E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 21:31

Ti kapau e taai e le pipi se toe tagata pe ko se toe fafine o mate, e fai loa kiate ia le lao o le fakamaau.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 51:8

Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Apakuki 1:12

Pe leaise ke agai mei lee gato, Eteleno, loku Atua, loku Sagato ? E leaise motou mamate loa ! Ei Eteleno, na ke fakanofo le kakai leinei ke fai ia au fakamaauaga ; Ei loku Utu, na ke lagai a ia ke tuku ia au tautea.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Mateo 24:35

E puli loa le lagi mo le kele, kae e leaise toe puli loa aku folafola.

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,

Tetelonome 33:15

Mo nea malilie o mauga afea, Mo nea malilie o mauga liliki ala kua lau sekulo,

Epelo 13:8

E tatau Sesu-Kilisito nanafi, mo ailanei, ti mo lee gato.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Tuifakamaau 5:5

Na sisiga loa a mauga i mua o le Eteleno, I mua o le Eteleno o Sinai, le Atua o Iselaele.