Apakuki 3:18 - Tosi Tapu

¹⁸ Kae, e kau loto ke kau fakafiafia i le Eteleno, E kau loto ke kau fakafiafia i le Atua o loku fakamauli.

Apakuki 3:18 ပူးပေါင်းရင်းမြစ်များ

Lua tosi a Samuele 6:15

Na ave loa e Tavite mo le fale katoa o Iselaele le aleka o le Eteleno i ni kalaga fakafiafia mo le tagi a fakatagi pupusi.

Sopo 13:15

Ko leinei, e tatau aifai pe tamate au e le Atua, e leaise gato loa laku amanaki malie kiate ia ; Kae i ona mua e kau puipui loa loku anoaga.

Pesalemo 104:34

Ke logo malie aku masau kiate ia ! E kau loto ke kau fiafia i le Eteleno.

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 25:5

Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 33:1

Kau maokioki, kotou fiafia i le Eteleno ! E gali le fakafetai mo le kau agatonu.

Pesalemo 85:6

Pe ke ita loa kia matou o lee gato ? Pe sosolo loa lou ita i tautupu fuli ?

Pesalemo 97:12

Kau agatonu, kotou fiafia i le Eteleno, Ti kotou sua ia koutou fakafetai lona maokioki !

Ekesote 15:1

Ti na sua loa e Moisese mo fanau o Iselaele le katiko leinei ki le Eteleno. Na lotou pati loa : E kau sua loa ki le Eteleno, talie kua fakamapa e ia lona kololia ; Kua laku e ia ki le tai le osi mo le tagata ekeosi.

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Sakalia 10:7

E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Luka 2:30

Talie kua tio oku mata ki lau fakamauli,

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Sakopo 1:2

Ei oku fetaina, ke kotou tio ki asiasii kesekese ala e feala ke kotou felavei ia ofaipe se fiafia lasi,

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.