Apakuki 3:16 - Tosi Tapu

¹⁶ Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Apakuki 3:16 ပူးပေါင်းရင်းမြစ်များ

Sopo 30:17

I le pouli, e ulu a mamae i loku tino o kaku ki loto o oku ivi, E lotou tafi au, e leaise kau maua fua se ga fimalie i se temi.

Sopo 30:30

Kua uli loku kili ti kua maluku a ia, Kua vela oku ivi ti kua lotou malo.

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Taagapati 12:4

Ko se fafine agamalie ko le pala a ia o lona avaga, kae ko leia e fakalumaluma e tatau a ia mo le popo o ona ivi.

Taagapati 14:30

Ko se loto malie ko le mauli ki le tino, Kae ko le loto fuaa ko le masaki ki ivi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Selemia 23:9

Ki le kau polofeta. Kua fatifati loku loto iate au, Ti kua lulu oku ivi fuli. Kua kau faipe se tagata kona, Pe se tagata kua kona i se vino, O tupu ko le Eteleno, o tupu ko ana folafola maokioki.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Tagi laulau a Selemia 1:13

Na ti e ia mei aluga se afi ke tutu ia oku ivi ; Na fakatuu e ia se masele i oku vae, Na sigai e ia au ki muli ; Na ti e ia au ki le tiakina, ki le gaegae i aso fuli.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Taniela 10:8

Na kau nofo toka tasi loa, o tio ki le nea lasi lena kua sa mai kiate au ; na leaise koi kau maua soku makeke, ti na fetogi loa oku mata i le lasi o loku i, ti na puli katoa loa loku makeke.

Taniela 10:9

Na kau logo loa ki ana masau ; ti i laku logo ki ana masau, na kau siga loa o fakapulou oku mata ki le kele, ti na kau mata fakapouli loa.

Taniela 8:27

Ko au Taniela, na kau gaegae veli ai ti na kau masaki loa i ni aso e mauke ; ti oki, na kau tuu loa ki aluga ti na kau tokaga loa ki gaoi a le sau. Na kau punamauli i le nea leia na kau tio ki ai, ti na leaise iloa a ia e se tasi.

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Luka 21:19

Kapau e kotou kataki fualoa, ti e kotou saofaki loa okoutou laumalie.