Apakuki 3:14 - Tosi Tapu

¹⁴ E ke soka ki au gasau le ulu o ana pule, Ala e feoso mai kiate au ofaipe se afa, ke fakamavetevete au, O taukalaga fakafiafia O sakinake kua lotou tafi le tagata fakaaloalofa i lolatou mumuniaga.

Apakuki 3:14 ပူးပေါင်းရင်းမြစ်များ

Pesalemo 10:8

E mumuni a ia i tafa o kolo liliki, Ti e tamate e ia le tagata agatonu i potu lavaki. E lamalama e ona mata le tagata mativa.

Pesalemo 83:2

Ei Atua, aua na ke nofo fakalologo ! Aua na ke fakaleemu, ti aua na ke malolo, ei Atua !

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Sakalia 9:14

E sa loa le Eteleno i aluga o latou, Ti e makamu loa lana gasau ofaipe le uila. E pupusi loa e le Aliki, le Eteleno, le fakatagi pupusi, E au loa a ia i le asesio o le potu saute.

Tuifakamaau 7:22

I le temi katoa na pupusi ai loa a talai manu e le kau tagata e tino lelau tolu, na fai loa e le Eteleno i le nofolaga tau o Matiane ke fetauaki le kau Matiane o mamate. Na sola loa le toega o le kau Matiane o kaku ki Pete-Sita i le ala o Selela, ti toe kaku ki le kolo ko Apele-Meola, i tafa o Tapati.