Apakuki 3:10 - Tosi Tapu

¹⁰ E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Apakuki 3:10 ပူးပေါင်းရင်းမြစ်များ

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Pesalemo 104:32

E tio a ia ki le kele, ti e lulu a ia ; E fafa lona lima ki mauga, ti e lotou kokofu.

Pesalemo 148:7

Kotou fakafetai ki le Eteleno, mei lalo o le kele, Manu lalasi o le tai, mo koutou fuli, ko vanu loloto,

Pesalemo 18:15

Na fana loa e ia ana gasau, ti na veteki loa e ia oku fili, Na liuliuga loa e ia a fatuliki, ti lotou sosola loa.

Pesalemo 65:13

E ke fakavai a kele o le toafa, Ti e takatakai a mauga liliki e le fiafia lasi.

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Pesalemo 93:3

E siki ake e vaitafe, ei Eteleno ! E siki ake e vaitafe olatou leo, E siki ake e vaitafe a gugulu olatou piau.

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Selemia 4:24

E kau tio ki atu mauga, ti ko leinei, kua lotou lulu ; Ti kua sisiga a mauga liliki fuli.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Mateo 27:51

Ti ko leinei, na masae loa le kie o le fale tapu mei aluga ki lalo, ti na galulu loa le kele, ti na mafaafaa loa a utu,

Mateo 8:24

Ti ko leinei, na to loa se afaa lasi i le tai, ti kua ta fakaveliveli loa le vaka e galu. Kae ko ia, na moe mate a ia.

Epelo 11:29

Ko le tui leia na lotou fakalaka ai loa i le tai Kula, ofaipe i se ganea malo, kae na folo loa e le tai le kau Esipito, leia na asiasi ke fakalaka i ai.

Sosue 4:18

Na mavae loa le kau tagata faisakilifisio ala na amo ia le aleka o le fakapapau o le Eteleno mei loto malie o le Solotane. I le temi leia na tuu ai loa olatou vae ki le kele fefeka o le kauvai, na toe liliu loa a vai o le Solotane ki lolatou tafeaga, ti na lotou toe mafola loa ofaipe mua, i kauvai o le Solotane.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 6:14

Ti na puli loa le lagi ofaipe se tosi leia e takai ; ti na siki loa a mauga fuli mo motu fuli mei olatou tuuaga.