Apakuki 2:9 - Tosi Tapu

⁹ Malaia ki leia e tanaki ia ki lona fale ni totogi kaia, O tupu ke fakatuu lona ofaga i se ganea taualuga, Ke sao ai i le lima o le malaia !

Apakuki 2:9 ပူးပေါင်းရင်းမြစ်များ

Pesalemo 49:11

Talie e lotou tio loa ki ai : E mamate le kau poto, E toe mate foki le tagata valea mo leia e sala atamai, Ti e lotou tuku olatou koloa ki ni iki ake.

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 49:16

Ko lou fia makeke, mo le fia nealasi o lou loto na fakasese ia a koe, A koe leia e nofo i pu o utu, Ti e maua ia le tumutumu o mauga liliki. Ka ke fakatuu loa lou ofaga ke taualuga ofaipe leia o le akuila, E kau fakaifo loa a koe mei ai ki lalo, e pati le Eteleno.

Selemia 51:13

Ko koe leia e nofo i tafa o atu vai lalasi, Leia e maua ia ni fale koloa lalasi, Kua soko lou lakaga fakamuli, Kua kaku lou manumanu koloa ki lona gatoaga !

Selemia 51:53

Ka malaga loa Papilone o kaku ki le atu lagi, Ka fakamakeke loa e ia ona kolo tau ke aua na toe too, E kau kakau loa kiate ia ni tagata maumau, e pati le Eteleno…

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Apetiasi 1:4

Pe ke fakatuu ia loa lou ofaga o taualuga ofaipe leia o le akuila, Pe ke fakatuu loa a ia i lotolotoga o fetuu, E kau ti loa a koe mei ai ki lalo, e pati le Eteleno.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.