Apakuki 2:6 - Tosi Tapu

⁶ Pe leaise liliu loa a ia ki kakai fuli ko ni nea fakakatai, Mo se nea fakagologolo mo se nea fakaofolele ? E pati loa : Malaia ki le tagata leia e fakatuuga ia a nea ala e leaise ko ni ana nea ! E kaku loa ki afea ?… Malaia ki le tagata leia e fakatuuga ia ona maua !

Apakuki 2:6 ပူးပေါင်းရင်းမြစ်များ

Pesalemo 94:3

Ei Eteleno, e kaku loa kiafea le fia nealasi a le kau agaveli ! E kaku loa kiafea le malo a le kau agaveli ?

Taagapati 22:16

Ko leia e fakamakeke ia le tagata mativa e fakatupu ia lona koloa, E tatau mo leia e soli ia ki le tagata mou koloa ke fakaasilisili ai lona mativa.

Esaia 10:13

Talie e pati a ia : Na kau fai a nea anei i le makeke o loku lima, Ti mo loku poto, talie e kau atamai ; Na kau fetogi a koiga o atu puleaga, ti na kau too olatou koloa ; Ofaipe se tagata toa, na kau fakaifo latou fuli ala na eke i ekeekeaga fakasau ;

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 29:22

E la liliu loa ko ni nea fakatakuga malaia i le kau popula o Suta ala i Papilone, o pati : Ke tautea a koe e le Eteleno ofaipe Setesiasi mo Akapo, ala na tutu mauli e le sau o Papilone !

Selemia 50:13

O tupu ko le sausau o le Eteleno, e leaise toe nofoi loa a ia, Kae tuu lavaki loa a ia. E ofolele loa latou fuli ala e fakalaka loa i tafa o Papilone, Ti e lotou mapu loa ki ona lavea fuli.

Esekiele 32:21

E pati loa kiate ia le kau toa makeke Mo latou ala na tokoi kiate ia, I le nofoaga o le kau mate : Kua lotou ifo mai ki lalo nei, kua lotou momoe ia tatou, Le kau lee silikosisio lena, ala na tamate e le seleta.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Apakuki 1:15

E toso ake e ia latou fuli ki le matau, E aumai e ia latou ki lona kupega, E tanaki e ia latou ki ana kukuti. Talie e lasi loa lona fiafia mo lona nekenekea ia latou.

Apakuki 2:12

Malaia ki leia e fakatuu ia se kolo ki le toto, Leia e fakatuu ia se kolo ki le agaveli !

Apakuki 2:13

Ko leinei, kua fakapapau le Eteleno o kau tau : E gaoi a kakai ki le afi, E pakia noa a atu puleaga.

Numelo 23:18

Na fai loa e Palaame lana folafola fakatata, o pati : Tuu ki aluga, Palake, ti ke fakalogo mai kiate au ! Fakalogo totonu mai kiate au lou taliga, vosa o Tesipoli !

Numelo 23:7

Na fai loa e Palaame lana folafola fakatata, o pati : Na fakaifo mai au e Palake mei Alame, Na fakaifo mai au e le sau o Moape mei mauga o Silia. Au, o fakamalaia Sakopo ! Au, o ita ki Iselaele !

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.