Apakuki 2:3 - Tosi Tapu

³ Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Apakuki 2:3 ပူးပေါင်းရင်းမြစ်များ

Lua tosi o Sau 6:33

Na koi masau Eliseo kia latou kae kaku mai le sau, o pati : E au le malaia leinei mei le Eteleno, kolea loa koi mafai ke kau toe amanaki ki ai ?

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Esekiele 12:25

Talie ko au, le Eteleno, e kau masau loa ; Ko le nea leia e kau fakasa loa e soko loa, Ti e leaise toe tuvai loa a ia ; Io, i okoutou aso, famili o kau agatuu, E kau fakasa loa se folafola ti e kau fakasoko loa a ia, E pati le Aliki, le Eteleno.

Esekiele 30:9

I le aso lena, e kakau loa ni tagata avelogo i ni vaka, Ke ano o too le tokamalie i Etiopia ; Ti e nofo loa le i ia latou i le aso o Esipito, Talie ko leinei, kua vave fua a nea ana !

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 11:27

E afa loa e sau ana e lua i ola loto ke fai se veli, ti e la femasauaki loa i le laupapa e tasi i le kaka. Kae e leaise manuia loa a ia, talie koi soko loa le fakaoki i le temi leia kua fakatuutuu.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Kalate 4:2

talie e fakalogo a ia ki le kau tagata fai sekola mo le kau tagata taupau koloa, o kaku ki le temi leia kua fakatuutuu e lona tamana.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Lua tosi a Petelo 3:9

E leaise tuvai le Aliki i le fakasoko o lana fakapapau, ofaipe le lau a ni iki ; kae e kataki fualoa a ia kia koutou, talie e leaise loto a ia ke mate se tasi, kae ke kotou kaku fuli ki le fakasemala.