Apakuki 2:19 - Tosi Tapu

¹⁹ Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Apakuki 2:19 ပူးပေါင်းရင်းမြစ်များ

Pesalemo 135:15

Ko taulaatua o atu puleaga ko le siliva mo le aulo Ko gaoiaga latou o lima o le tagata.

Pesalemo 135:17

E lotou maua ni taliga kae e leaise lotou logo fua ; E leaise lotou maua fua se tukumanava i lolatou gutu.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Esaia 40:19

Ko se tagata tufuga leia e saka ia le ukamea o le fakatata, Ti ko se tagata gaoi ukamea leia e kofu ia le taulaatua ki le aulo, Ti e fakapipiki ia ki ai ni tini siliva.

Esaia 41:26

Ko ai na fakasa ia a ia i le kamataaga, o tupu ke motou iloa a ia ? Ti ko ai na fakasa fakatomua ia a ia mei fualoa, o tupu ke motou pati : E maoki ! Na leaise fakasa a ia e se tasi fua, na leaise fakasa fakatomua a ia e se tasi fua, Ti na leaise se logo fua se tasi ki akoutou masau.

Esaia 44:17

Kae e fai e ia ki le toe o le laakau se atua, lona taulaatua. E punou a ia i ona mua, e atolasio a ia ki ai, e faikole a ia ki ai, Ti e kalaga a ia ki ai : Fakamauli au ! Talie ko koe ko loku atua !

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:3

Talie ko agai fenua o kakai ko nea noa ata. E tuuti le laakau i le vaomatua ; E gaoi ki ai le lima o le tagata tufuga aki le toki ;

Selemia 10:4

E fakafulumalie a ia ki le siliva mo le aulo, E fakamaumau a ia ki le amale mo ni fao Ke aua na taugaoi a ia.

Selemia 10:9

E aumai mei Talesisi ni laui siliva, ti mei Ufasi se aulo. E fau latou e le tagata gaoi ti mo le lima o le tagata gaoi ukamea. Ko kofu o atua ana ko ni kie na pena usi ti na pena kula, Ko le gaoiaga fuli latou a ni tagata popoto.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 51:17

E liliu tagata fuli o valea i lona iloa, E luma tagata fai ukamea fuli o tupu ko lana fakatata togi ; Talie ko ana taulaatua ko loi, E leaise maua ia latou se tukumanava.

Selemia 51:47

Koia ko leinei, e au a aso Ala e kau tautea ai loa a taulaatua o Papilone, Ti e apele loa lona fenua katoa i le luma ; E vivilo loa ona mate fuli i loto malie o ona.

Taniela 3:1

Na fai loa e le sau ko Nepukatenesale se fakatata aulo, ko lona taualuga ko meta e kau tolu, ti ko lona lau lasi ko meta e tolu. Na fakatuu loa e ia a ia i le potu laumalie o Tula, i le fenua o Papilone.

Taniela 3:18

Kapau e leai, ke ke iloa, ei aliki sau, e leaise motou tausi loa ki ou atua, ti e leaise motou atolasio loa ki le fakatata aulo leia na ke fakatuu ia.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 3:7

Koia ka logo ai loa a kakai fuli ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e punou loa le kakai katoa, mo puleaga, mo tagata mei masau fuli, o atolasio ki le fakatata aulo leia na fakatuu e le sau ko Nepukatenesale.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Taniela 5:4

Na lotou inu loa se vino, ti na lotou fakavikiviki loa ki atua aulo, mo atua siliva, mo atua sila, mo atua ukamea, mo atua laakau, ti mo atua fatu.

Sonasi 1:5

Ti na i lasi ai le kau vaka, ti na lotou tasi tagi loa ki lona atua, ti na lotou laku loa ki le tai a nea ala na tuku i le vaka, o tupu ke fakamaamaa a ia. Na ifo loa Sonasi ki le takele o le vaka, ti na moemate loa a ia.

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Apokalipisi 17:4

Ti na kofu le fafine lena ki ni kofu kula fakapouli mo kula malama, ti na teuteu a ia ki le aulo, mo fatu mauiga, ti mo fuai kasoa. Ti na too e ia i lona lima se ipu aulo, kua apele i nea fakalialia mo kelekele o lana fai feauaki.