Apakuki 2:17 - Tosi Tapu

¹⁷ Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:17 ပူးပေါင်းရင်းမြစ်များ

Pesalemo 137:8

Taine o Papilone, leia na maumau, Manuia leia e liufaki atu ia kiate koe, Le veli leia na ke fai kia matou !

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Selemia 50:14

Kotou fakaatu ki le tau, ti kotou takatakai Papilone, koutou fuli ala e faikalolo ! Kotou fana akoutou kalolo kiate ia, aua na kotou tuku noa a gasau ! Talie na agasala a ia ki le Eteleno.

Selemia 50:28

Kotou fakalogo ki tagi a latou ala e sosola, a latou ala e sosola i le fenua o Papilone, O fakasa i Sione le lagavaka a le Eteleno, lotatou Atua, Mo le lagavaka o lona fale tapu !

Selemia 51:24

E kau totogi loa ki Papilone mo le kakai katoa o Kaletea Le veli katoa leia na lotou fai ki Sione i okoutou mata, E pati le Eteleno.

Esekiele 28:16

O tupu ko le lasi o lau fai koloa Na ke apele i le agamakeke, ti na ke agasala ; E kau ti a koe ki lalo i le mauga maokioki o le Atua, Ti e kau kapu a koe, selupino leoleo, I loto malie o fatu gigila.

Esekiele 31:16

I le gugulu o lona vilo na kau fakalulu a atu puleaga I le aso leia na kau tuku ai a ia ki le nofoaga o le kau mate, Mo latou ala e ifo ki le popoko ; Ko laakau fuli o Eteni na fimalie i potu loloto o le kele, Laakau fulumalilie mo malilie o Lipane, ala na fakavai fuli e atu vai.

Soele 3:19

E maumau loa Esipito, E liliu loa Etome o toafa, O tupu ko agamakeke ki fanau o Suta, Ala na lotou liligi le toto saosaoa i lolatou fenua.

Apakuki 1:17

Pe gato loa afea lana toso lana kupega ? Pe gato loa afea lana tamate fakaveliveli a atu puleaga ?

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Sakalia 11:1

Lipane, fakamavaa ou matapa, Ti ke kai e le afi ou sete !