Apakuki 1:9 - Tosi Tapu

⁹ E au le kakai katoa lena ki le kaia. E tio ona mata manumanu ki mua, Ti e fakatasi e ia ni kau pilisoni ofaipe le one.

Apakuki 1:9 ပူးပေါင်းရင်းမြစ်များ

Senesi 41:49

Na tanaki loa e Sosefo le fulumeto o tatau mo le one o le tai, ti na leaise koi mafai lona lau.

Lua tosi o Sau 12:17

Na pale loa Asaele, sau o Silia, o taui a Kate, o maua loa e ia. Ti na manatu loa Asaele ke pale, o taui Selusalemi.

Sopo 29:18

I le temi lena na kau pati : E kau mate loa i loku ofaga, Ti e mauke loa oku aso ofaipe le one.

Pesalemo 139:18

Kapau e kau lau latou, e lotou lasi ake i fitii one. E kau ala ake, e kau nofo aifai mo koe.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Selemia 15:8

Kua lasi ake ona lokonui i fiti o le one o le tai ; E kau aumai kia latou, ki le tinana o le tagata tupulaga, Le tagata maumau i le lalatea totonu ; E kau fakavilo fakafokifa kiate ia le i mo le lulu.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 34:22

E pati le Eteleno : E kau tuku loa aku fakatotonu ti e kau toe fakaliliu mai loa latou ki le kolo leinei ; e lotou taui loa a ia, ti e lotou maua loa a ia, ti e lotou tutu loa a ia ki le afi. Ti e kau fakaliliu loa a kolo o Suta ko se toafa, sala kakai.

Selemia 4:11

I le aso lena, e pati loa ki le kakai leinei mo Selusalemi : E agi se matagi vevela mei potu taualuga o le toafa Ki le ala o le taine o loku kakai, Ti e leaise ko se matagi maamaa ke tu ia mo fakamea ia le fulumeto.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Esekiele 17:10

Ko leinei, kua to le vite ; pe tupu malie loa a ia ? Pe leaise gae loa a ia mo ka agi mai kiate ia le matagi o le potu esite ? E gae loa a ia i le ganea leia na tupu ake ai.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Taniela 11:17

E fai loa e ia se tonu ki le sau o le saute, ke ifo mai a ia mo makeke fuli o lona puleaga, ke lotou fakatokatoka ; e soli loa e ia lona taine ke avaga mo le sau o le saute, mo le amanaki malie ke maumaui lona puleaga, kae e leaise soko loa le puleaki kaka lena.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Apakuki 1:17

Pe gato loa afea lana toso lana kupega ? Pe gato loa afea lana tamate fakaveliveli a atu puleaga ?

Apakuki 1:6

Ko leinei, e kau lagai loa le kau Kaletea, Se kakai itaita mo makeke, Leia e saele i ni fenua lalasi o too ni nofoaga o ni iki.

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Tuifakamaau 7:12

Na mafola loa Matiane, mo Amaleke, ti mo le kakai o le Esite i le vaivailiua, ofaipe se ao seseivaka i lolatou api, ti na lasi olatou kamelo ofaipe le one o le mata tai.