Apakuki 1:8 - Tosi Tapu

⁸ E gasolo ake ana osi i leopale, Ti e lotou makamu ake i lupo o le afiafi. E saele ana tagata eke osi i le fia nealasi, E au ana tagata eke osi mei mamao, E lotou lele ofaipe le akuila leia e oso ki lana nea kai.

Apakuki 1:8 ပူးပေါင်းရင်းမြစ်များ

Sopo 9:26

Kua lotou ano ofaipe ni vaka kofe, Ofaipe le akuila leia e oso ki lana nea kai.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 48:40

Talie folafola le Eteleno, o pati : Ko leinei, e lele a ia ofaipe se akuila, Ti e folasi e ia ona kapakau ki Moape.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Esekiele 17:12

Pati ki le fale agatuu : E leaise kotou iloa le uiga o le nea lena ? Fakasa kia latou : Ko leinei, kua au le sau o Papilone ki Selusalemi, ti kua ave e ia le sau mo le kau pule ki Papilone.

Esekiele 17:3

E ke pati loa : E folafola le Aliki, le Eteleno, o pati : Na au loa i Lipane se akuila lasi, na kapakau lalasi mo loloa, ti na apele i fulu na lanu kesekese, ti na fatii loa e ia le tumutumu o se sete.

Esekiele 26:11

E takatakafi loa e ia ou ala fuli ki taga vae o lana kau osi, ti e tamate loa e ia lou kakai ki le seleta, ti e sosolo loa ki le kele ou kolo tau makeke.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Naume 2:5

Kua oso a saliote i ala, Kua lotou makape ki lapalasi o kolo ; I le tio kia latou, kua lotou faipe ni ulai afi, E lotou makape ofaipe ni uila.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Mateo 24:28

I se ganea fua leia e maua ai se tino mate, i lena e tanaki ai a votu.

Luka 17:37

Na vesili loa le kau tisipulo kiate ia : Aliki, e soko loa ifea a nea ana ? Ti na tali loa Sesu : I le ganea leia e tuku ai le tino mate, e katoa ai loa a votu.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,