Apakuki 1:6 - Tosi Tapu

⁶ Ko leinei, e kau lagai loa le kau Kaletea, Se kakai itaita mo makeke, Leia e saele i ni fenua lalasi o too ni nofoaga o ni iki.

Apakuki 1:6 ပူးပေါင်းရင်းမြစ်များ

Lua tosi o Sau 24:1

I le sau o Sosakimi, na ano loa le sau o Papilone ko Nepukatenesale o tau. Na popula loa Sosakimi kiate ia i fetuu e tolu ; kae na agatuu loa a ia ki le sau o Papilone.

Lua tosi o Sau 24:2

Koia na kakau ai loa e le Eteleno kia Sosakimi ni fa solia Kaletea, mo ni fa solia Silia, mo ni fa solia Moape, mo ni fa solia o vosa o Amone, ke au o taui Sosakimi ; na kakau mai latou e le Eteleno ke au o maumaui a Suta, o mulimuli ki le folafola leia na fakasa e le Eteleno i ana tagata fakasausau le kau polofeta.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Lua tosi o Koloniko 36:6

Na pale loa Nepukatenesale, sau o Papilone, o taui a ia, ti na sai loa e ia a ia ki ni tini sila o ave ki Papilone.

Esaia 23:13

Tio ki le kau Kaletea, leia na leaise ko se kakai i mua, Na lotou nonofo i le toafa, ti na fakatuu e le Asilia se fenua kiate ia ; Kua lotou fakatuu ni tule, kua lotou maumaui a fale sau o Tile, Kua lotou fakaliliu latou ko ni tuuga fale maumau.

Selemia 13:20

Siki ou mata, o tio Kia latou ala e au mei le potu noleto. Kofea le kau manu leia na soli atu kiate koe, Le kau manu leia na fai ia lou kololia ?

Selemia 21:4

E folafola le Eteleno, le Atua o Iselaele, o pati : Ko leinei e kau fakamaliu loa a masafu ala e too i okoutou lima, ala e kotou taui ai i le tua kolo le sau o Papilone mo le kau Kaletea ala e takatakai ia koutou, ti e kau fakatasii mai loa latou ki loto malie o le kolo leinei.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 30:5

E folafola le Eteleno, o pati : E motou logo ki ni kalaga fakaii, Ko le malaia, kae e leaise ko le tokamalie.

Selemia 4:11

I le aso lena, e pati loa ki le kakai leinei mo Selusalemi : E agi se matagi vevela mei potu taualuga o le toafa Ki le ala o le taine o loku kakai, Ti e leaise ko se matagi maamaa ke tu ia mo fakamea ia le fulumeto.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Esekiele 16:40

E lotou aumai loa le kakai kiate koe, ti e lotou tuki fatui loa a koe, ti e lotou suki loa a koe ki le seleta ;

Esekiele 21:31

E folafola le Aliki, le Eteleno, o pati : E too loa lou pale fakasau, ti e too loa o ave mo lou pala fakasau. E fetogi loa a nea : Ko le nea leia na taulalo e siki loa ki aluga, ti ko le nea leia na taualuga e tuku loa ki lalo.

Esekiele 28:7

Ko leinei, e kau aumai loa kiate koe ni matapule, A kakai itaita veli o atu puleaga ; E lotou tosoi loa le seleta ki lou poto lasi, Ti e lotou fakakelekele loa lou fulumalie.

Esekiele 31:12

Na sele a ia, o tiaki i lalo, e ni kau matapule, Latou ala e agamakeke i kakai fuli ; Na vivilo ona laa i mauga mo vaivailiua fuli, Na fatifati ona taulu i vanu fuli o le fenua ; Ti na sosola le kakai katoa o le malama nei i lona malu, Ti na lotou tiaki a ia.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !