Apakuki 1:4 - Tosi Tapu

⁴ Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.

Apakuki 1:4 ပူးပေါင်းရင်းမြစ်များ

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Sopo 21:7

Kolea e mauli ai le kau agasala ? Kolea e tio ai kia latou e matutua malie, ti e asilisili lasi lolatou makeke ?

Pesalemo 11:3

Kapau e maumau a fakatafito, Kolea e fai loa e le tagata agatonu ?

Pesalemo 119:126

Ei Eteleno, ko le temi leia ke ke gaoi ai : Talie e lotou maumaui lau lao.

Pesalemo 22:12

Aua na ke fakamamao iate au mo ka ofi mai le mamae, Mo ka e leaise au se tasi o tokoi mai kiate au !

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Pesalemo 59:2

Loku Atua ! saofaki au i oku fili, Malui au ia latou ala kua malaga mai kiate au !

Pesalemo 59:4

Talie ko leinei, e lotou lamalama au ke too loku mauli ; Kua fakatasi ni tagata itaita ke tamate au, Kae na leaise kau fai fua se sala, pe na kau agasala, ei Eteleno !

Pesalemo 94:3

Ei Eteleno, e kaku loa kiafea le fia nealasi a le kau agaveli ! E kaku loa kiafea le malo a le kau agaveli ?

Ekesote 23:2

Aua na ke muli loa i le toka api, o fai se nea leia e veli ; ti aua na ke fakamaoki loa i se fakamaauaga kia latou ala e toka api o agatuu ki le maoki.

Ekesote 23:6

Aua na ke fakalakasala loa le tagata mativa i le fakamaauaga, i se nea leia e tonu ke maua e ia.

Esaia 5:20

Malaia kia latou ala e fakaigoa ia le veli ko le malie, ti mo le malie ko le veli, Ala e fetogi ia le fakapouli ko le malama, ti mo le malama ko le fakapouli, Ala e fetogi ia le kona ko le suamalie, ti mo le suamalie ko le kona !

Esaia 59:12

Talie e lasi ai amatou patigataa i ou mua, Ti e fakamaoki amatou agasala kia matou ; E pipiki amatou agatuu kia matou, Ti e motou iloa amatou agaveli.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 26:8

Ti koi fakaoki e Selemia le fakasa o nea fuli ala na fakatotonu e le Eteleno kiate ia ke tuku ki le kakai katoa, na too loa e le kau faisakilifisio, mo le kau polofeta, mo le kakai katoa a Selemia, o pati : E ke mate loa !

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Oseo 10:4

E lotou fai ni masau vaiga, mo ni fakapapau loi, Mo ka lotou fai se sai : Koia e somo ai loa le tautea, ofaipe se laakau kona I se faisaga kua fakamaluu.

Amosi 5:12

Talie, e kau iloa, e lasi akoutou agaveli, Kua liuliuga akoutou agasala ; E kotou fakamamae le tagata agatonu, e kotou tali ni nea alofa, Ti e leaise kotou fakamaau le kau mativa i le faitotonu.

Amosi 5:7

Talie kua kotou fakaliliu le lao ko se nea kona, Ti kua kotou takatakafi ki le kele le faitotonu !

Maleko 7:9

Na toe pati foki a ia kia latou : E kotou poto i le tiaki o fakatotonu a le Atua, o tupu ke tausi lakotou talatisio.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Gaoi 7:59

Ti na lotou tuki fatui loa Setefano, leia na faikole, o pati : Aliki Sesu, tali loku laumalie !

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.