Amosi 9:14 - Tosi Tapu

¹⁴ E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Amosi 9:14 ပူးပေါင်းရင်းမြစ်များ

Pesalemo 107:37

E lotou fai ni faisaga, e lotou to ni vite, Ti e lotou tau loa olatou fua.

Pesalemo 53:6

Koia e lotou lulu ai loa i le i, Kae e leaise fakaii latou e se nea ; E veteki loa e le Atua a ivi o latou ala e tau kiate koe ; E ke fakaluma loa latou, talie kua tiaki latou e le Atua.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 61:4

E lotou toe laga loa ni fale foou i aluga o kolo na maumau i mua, E lotou toe laga loa a maumau afea, E lotou fakafoou loa ni kolo na tiaki, Na maumau talu mei fualoa.

Esaia 65:21

E lotou fakatuu loa ni fale, ti e lotou nonofo loa i ai ; E lotou to loa ni faisaga vite, ti e lotou kai loa olatou fua.

Selemia 12:15

Kae ka oki loa laku taaki latou, E kau toe alofa loa kia latou, Ti e kau toe aumai loa latou taki toka tasi ki lona tofiga, Taki toka tasi ki lona fenua.

Selemia 16:15

Kae pati loa : E mauli le Eteleno, A ia leia na fakamavae ia fanau a Iselaele i le fenua o le potu noleto, Ti mo fenua fuli ala na kapu e ia latou ki ai ! E kau aumai loa latou ki lolatou fenua, Leia na kau soli ki olatou tamana.

Selemia 23:8

Kae e pati loa : E mauli le Eteleno, Leia na fakamavae ia ti na aumai ia Le sakoga o le fale o Iselaele mei le fenua o le potu noleto, Ti mo fenua fuli ala na kau kapu latou ki ai ! Ti e lotou nonofo loa i lolatou fenua.

Selemia 24:6

E kau tio loa kia latou i loku alofa, ti e kau toe aumai loa latou ki le fenua leinei ; e kau fakanofo loa latou i le fenua, ti e leaise kau toe maumaui loa latou, e kau to loa latou ti e leaise kau toe taaki loa latou.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 30:18

E folafola le Eteleno, o pati : Ko leinei, e kau toe aumai le kau popula o falela o Sakopo, E kau alofa ki ona nofoaga. E toe laga loa le kolo i lona tuuaga afea, E toe fakatuu loa le fale sau ki lona tuu afea.

Selemia 30:3

E pati le Eteleno : E soko mai loa a aso, ti e kau toe aumai loa le kau popula o loku kakai ko Iselaele mo Suta ; e kau toe aumai loa latou ki le fenua leia kua kau soli ki olatou tamana, ti e lotou maua loa a ia.

Selemia 31:23

E folafola le Eteleno o kau tau, le Atua o Iselaele, o pati : Ko leinei foki le tasi a nea e toe masau loa ki ai i le fenua o Suta ti mo ona kolo, Mo ka kau toe aumai loa olatou kau popula : Ke tapuaki le Eteleno kiate koe, nofoaga o le faitotonu, Mauga maokioki !

Selemia 31:28

Ti e faipe laku tokaga kia latou O taaki, mo fatii ki lalo, mo maumaui, mo fakamativa, ti mo fakaveli, E kau toe tokaga loa kia latou o fakatuu mo to, E pati le Eteleno.

Selemia 31:5

E ke toe to loa ni faisaga vite i mauga o Samalia ; E to loa e le kau to laakau, ti e lotou tau loa olatou fua.

Selemia 32:15

Talie e folafola le Eteleno o kau tau, le Atua o Iselaele, o pati : E toe totogi loa ni fale, mo ni faisaga, mo ni faisaga vite i le fenua leinei.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Selemia 33:7

E kau toe aumai loa le kau popula o Suta mo le kau popula o Iselaele, Ti e kau fakanonofo loa latou ofaipe le temi mua.

Esekiele 16:53

E kau toe aumai loa olatou kau popula, le kau popula o Sotoma mo ona taineliki, mo le kau popula o Samalia mo ona taineliki, mo lou kau popula i loto malie o latou,

Esekiele 28:26

E lotou nonofo loa i ai i le tokamalie, ti e lotou fakatuu loa ni fale, ti e lotou to loa ni faisaga vite ; e lotou nonofo loa i ai i le fimalie, i le aso leia e kau fai ai loa aku fakamaau kia latou fuli ala e takatakai ia a ia mo vesia kiate ia. Ti e lotou iloa loa ko au ko le Eteleno, ko lolatou Atua.

Esekiele 37:21

Ti e ke pati loa kia latou : E folafola le Aliki, le Eteleno, o pati : Ko leinei, e kau too loa a fanau o Iselaele i loto malie o puleaga ala na lotou ano ki ai, ti e kau fakatasii loa latou i potu fuli, ti e kau aumai loa latou ki lolatou fenua.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Sofoni 1:13

E kaia loa olatou koloa, Ti e maumaui loa olatou fale. E lotou pakia loa i le fakatuu o ni fale kae e leaise lotou nonofo loa i ai. E lotou pakia loa i le to o ni vite kae e leaise lotou inu loa ki lona vino.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.