Amosi 9:12 - Tosi Tapu

¹² O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Amosi 9:12 ပူးပေါင်းရင်းမြစ်များ

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 27:37

Na tali loa Isaake kia Esau : Ko leinei, kua kau fakanofo a ia ke pule kiate koe, ti kua kau tuku ke fakasausau ona fetaina fuli kiate ia. Kua kau tuku kiate ia le fulumeto mo le vino o lasi. Kolea le nea leia ke kau toe maua loa kiate koe, ei loku vosa ?

Pesalemo 60:8

Na pati le Atua i lona maokioki : E kau malo loa, E kau vae loa Siseme, e kau fuafua loa le vaivailiua o Sukote ;

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Esaia 65:1

Na kau tali latou ala na leaise kole ia se nea, Na kau tuku ke maua au e latou ala na leaise afa ia au ; Na kau pati : Ko leinei au, ko leinei au ! Ki se puleaga leia na leaise fakaigoa ki loku suafa.

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Soele 3:8

E kau fakatau loa okoutou vosa mo okoutou taineliki ki fanau o Suta ; Ti e lotou toe fakatau loa latou ki le kau Sapea, puleaga mamao. Talie kua masau le Eteleno.

Malakia 1:4

Kapau e pati Etome : Kua motou maumau, E motou toe laga loa a maumau ! Koia e folafola ai le Eteleno o kau tau : Ke lotou fakatuu ! e kau soloi loa, Ti e fakaigoa loa latou fenua o le agaveli, Kakai leia e itaita ki ai le Eteleno o lee gato.

Gaoi 15:17

O tupu ke afa le Aliki e le toetoega o tagata, Ti mo puleaga fuli e puaki ai loku suafa. Epati le Aliki, leia e fai ia a nea ana,

Gaoi 15:18

Ti na fakasa ia latou talu mei fualoa.