Amosi 9:1 - Tosi Tapu

¹ Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Amosi 9:1 ပူးပေါင်းရင်းမြစ်များ

Lua tosi o Koloniko 18:18

Ti na pati loa Mikea : Koia ke tou fakalogo ai ki le folafola a le Eteleno ! Na kau tio ki le Eteleno e eke i lona ekeekeaga fakasau, ti ko le solia katoa o le lagi e tutuu i lona fetuu atamai mo lona fetuu sema.

Pesalemo 68:21

Koia, ko lotatou Atua, ko le Atua a ia o fakamauli, Ti ko le Eteleno, le Aliki, fakamauli ia matou mei le mate.

Pesalemo 68:22

Io, e taai loa e le Atua le ulu o ona fili, le tumuaki o le ulu o latou ala e mauli i le agasala.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 42:16

Ko le seleta leia e kotou i ki ai e maua ia loa koutou i le fenua o Esipito, ti ko le oge leia e kotou i ki ai e pipiki loa kia koutou i Esipito, ti e kotou mamate loa i ai.

Selemia 48:44

Ko leia e sola i mua o le i e vilo ki le popoko, Ti ko leia e pale ake i le popoko e pikiia i le masele ; Talie e kau kakau mai kiate ia, kia Moape Le fetuu o lona tautea, e pati le Eteleno.

Esekiele 1:28

Na tatau le malama gigila lena na takatakai ia a ia mo le malama o le nuanua i se aso ua. Ko se paaki a ia o le kololia o le Eteleno. I laku tio ki le nea lena, na kau fakamapee loa, o fakatuu oku mata ki le kele, ti na kau logo loa ki le leo o se tasi leia na masau.

Esekiele 10:4

Na malaga ake loa le kololia o le Eteleno i aluga o selupino, o ano ki le mua matapa o le fale tapu ; ti na apele loa le fale i le ao, ti na apele loa le malae i le kololia fulumalie o le Eteleno.

Esekiele 15:7

E kau fakaaga loa oku mata kia latou. Na lotou sao i se afi, kae e tutu loa latou e se tasi a afi. Ti e kotou iloa loa ko au ko le Eteleno, Mo ka kau fakaaga loa oku mata kia latou.

Esekiele 9:2

Ti ko leinei, na kaku mai ni tagata e toka ono i le ala o le matapa aluga leia e aga ki le potu noleto, o tasi mo ia lana masafu ke tamate i lona lima. Na i ai se tagata i loto malie o latou leia na kofu ki se kofu tea fulumalie, ti na tau i lona vakavaka se tanakiaga nea fai tosi. Na lotou au loa o tutuu ofi ki le aletale sila.

Amosi 3:14

I le aso leia e kau tautea ai loa Iselaele o tupu ko ana agasala, E kau taai loa a aletale o Petele ; E fatifati loa a tala o le aletale, O vivilo loa ki le kele.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Apakuki 3:13

E ke ulu o saofaki lou kakai, O saofaki lou filifiliia. E ke fatii le taufufu o le fale o le tagata agaveli, E ke maumaui oki lona fale katoa… - Manava.

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Sofoni 2:14

E momoe loa ni kau manu i loto malie o Ninive, Mo ni manu i faasiga kesekese ; Ko le palikano mo le eliso E nonofo fakatasi loa i puloga o ona pou ; E tagi loa a manu lele i katupa o ona fale ; E kamata loa le maumau i le mua matapa, Talie e tata loa a papa sete o aofi.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 1:32

Na fai loa e Soane le fakamaoki leinei : Na kau tio ki le Laumalie Maokioki e ifo mei lagi ofaipe se lupe, o tuu iate ia.

Gaoi 26:13

Na kau tio loa, ei sau, i le ala i le lalatea malie, ki se malama mei lagi, leia na gigila ake i le laa, ti na takatakai ia au mo oku kau fanoga.

Sosue 10:18

Na pati loa Sosue : Ke kotou tekai loa ni fatu lalasi ki le uluaga o le ana, ti ke kotou fakatuu loa i ai ni tagata ke leo ia latou.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Apokalipisi 8:3

Ti na au loa se tasi ake aselo, o tuu i aluga o le aletale mo se tulipulo aulo ; ti na soli loa kiate ia ni kaloni mauke, o tupu ke momoli fakatasi e ia latou mo faikole a le kau sagato fuli, i aluga o le aletale aulo leia e tuu i mua o le ekeekeaga fakasau.