Amosi 8:9 - Tosi Tapu

⁹ I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Amosi 8:9 ပူးပေါင်းရင်းမြစ်များ

Sopo 5:14

E lotou felavei mo le fakapouli ka koi ao, Ti e lotou saele taufa i le lalatea ofaipe le pouli.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Selemia 15:9

Ko le fafine leia na fanaui ia ni vosa e fitu e gaegae, E tuku e ia lona laumalie ; E to lona laa kae koi ao ; E matagafua a ia, e apele a ia i le luma. Ko latou ala e toe, e kau tuku latou ki le seleta i mua o olatou fili, E pati le Eteleno.

Esekiele 32:7

I le aso leia e kau tamate ai loa a koe, e kau uufi loa le lagi ki se kie, E fakapouli loa a fetuu, E kau tapono loa le laa ki ao, E leaise toe sa loa le malama o le masina.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Mikea 3:6

O tupu ko le nea lena, e kotou maua loa le pouli…, ti e leaise kotou toe maua loa se tio ! E kotou maua loa le fakapouli… kae leai ni folafola mei le Atua ! E to loa le laa ki polofeta ana, E fakapouli loa le malama o le ao kia latou.

Sakalia 14:7

E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Mateo 27:45

I le lalatea na fakapouli loa le malama nei katoa o kaku ki le ola tolu sili lalatea.

Maleko 15:33

I le ola kau agafulu tupu lua lalatea, na fakapouli loa le malama nei katoa, o kaku ki le ola tolu sili lalatea.

Luka 23:44

Na kaku loa ki le ono o ola, ti na fakapouli loa le malama nei katoa, o kaku ki le iva o ola.

Apokalipisi 6:12

Ti na kau tio loa, i lana fakamavaa le ono fakamau ; ti na to loa se mafuike lasi, ti na liliu loa le laa o uli ofaipe se taga fului osi, ti na liliu loa le masina katoa o kula ofaipe le toto,

Apokalipisi 8:12

Ko le fa aselo na pupusi ia loa lana fakatagi pupusi. Ti na taai loa le vaega tolu o le laa, mo le vaega tolu o le masina, ti mo le vaega tolu o fetuu, o tupu ke puli ai le vaega tolu o lolatou malama ; ti na puli loa le vaega tolu o le malama o le ao, ti na toe fenaaki foki mo le pouli.