Amosi 8:8 - Tosi Tapu

⁸ Pe leaise lulu loa le fenua o tupu ko latou ? Pe leaise tagi laulau loa le kakai katoa ? E pale ake loa le fenua katoa ofaipe se vaitafe, E malaga loa a ia ki aluga ti e toe ifo loa a ia ki lalo ofaipe le vaitafe o Esipito.

Amosi 8:8 ပူးပေါင်းရင်းမြစ်များ

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 12:4

E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 46:7

Ko ai leia e au ofaipe le Nile, Ti e malagalaga ona atu vai ofaipe ni vaitafe makeke ?

Selemia 46:8

Ko Esipito. E au a ia ofaipe le Nile, Ti e malagalaga ona atu vai ofaipe ni vaitafe makeke. E pati a ia : E kau pale loa, e kau mafola loa i le kele, E kau maumaui loa a kolo mo olatou kakai.

Selemia 51:29

E galulu le kele, e lulu a ia ; Talie e fakasoko ki Papilone le fakatuutuu a le Eteleno ; E fakaliliu loa e ia le fenua o Papilone ko se toafa sala kakai.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Amosi 9:5

E fafa le Aliki, le Eteleno o kau tau, ki le malama nei, ti e galulu a ia, Ti e tagi laulau loa lona kakai katoa. E malaga le kele katoa ki aluga ofaipe le vaitafe, Ti e ifo a ia ki lalo ofaipe le vaitafe o Esipito.

Naume 1:8

Kae e maumaui loa e ia le kolo Ki ni galu o le malaia, Ti e tuli loa e ia ona fili o kaku ki le fakapouli.

Mateo 24:30

Ti e sa mai loa le fakamailoga o le Vosa o le tagata i le lagi, ti e fetagisi loa a faasiga fuli o le malama nei, ti e lotou tio loa ki le Vosa o le tagata e au i ao o le lagi mo se makeke ti mo se kololia lasi.