Amosi 8:5 - Tosi Tapu

⁵ E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Amosi 8:5 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Ekesote 31:13

Masau ki fanau a Iselaele, ti ke pati kia latou : E kotou tokaga loa o tausi fakamalotoloto oku sapato, talie ko le fakamailoga lena ke tuumau ia koutou mo au ti mo okoutou sakoga ke iloa ai ko au ko le Eteleno leia na filifili ia koutou ke liliu ko loku kakai.

Taagapati 11:1

E fakalialia le Eteleno ki le fua leia e sala, Kae e malie kiate ia le fua leia e totonu.

Taagapati 16:11

Ko le kilo totonu mo le fua totonu a le Eteleno ; Ko nea kilo fuli e tuku i le taga ko lana gaoiaga.

Taagapati 20:23

E fakalialia le Eteleno ki faasiga fua e lua, Ti e leaise malie le fua leia e sala.

Esaia 1:13

Kotou tuku le aumai o moliga noa : E kau fakalialia ki le iseso, Mo masina foou, mo sapato ti mo fakatasiga ; E leaise kau mafai ia le tio ki le tukipo i aso lalasi.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Oseo 12:7

Ti ko koe, toe liliu mai ki lou Atua ; Taupau le alofa ki le Atua mo le faitotonu, Ti fanaki tuumau ki lou Atua.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Levitiko 19:36

E kotou maua loa ni fua totonu, mo ni kilo totonu, mo ni liti totonu, mo ni meta totonu. Ko au ko le Eteleno, ko lokoutou Atua, leia na fakamavae ia koutou mei Esipito.

Sakalia 5:6

Na kau tali loa : Kolea ? Ti na pati mai loa a ia : Ko le kulo lena. Ti na toe pati loa a ia : Ko le kulo lena kua tanaki ai a agasala o le fenua katoa.

Sakalia 5:8

Ti na pati mai loa le aselo kiate au : Ko le agaveli a ia. Ti na tulei loa e ia le fafine ki le loto kulo, kae toe tapono loa e ia a ia ki le potu pulu mamafa.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Kolose 2:16

Koia, ke aua na fakamaau kotou e se tasi i le nea kai mo le nea inu, pe i se aso lasi, pe i se masina foou, pe i se sapato :

Uluaki tosi a Samuele 20:5

Ti na tali loa Tavite kiate ia : Ko leinei, ko apogipogi ko le uluaki aso o le masina, ti e tonu ke kau kai fakatasi mo le sau ; tuku mai kau ano, ti e kau mumuni loa i faisaga o kaku ki le afiafi o le tolu o aso.