Amosi 8:14 - Tosi Tapu

¹⁴ E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.

Amosi 8:14 ပူးပေါင်းရင်းမြစ်များ

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Uluaki tosi o Sau 16:24

na totogi loa e ia kia Semele le mauga o Samalia ki fa piesi paaga e ono afe ; ti na fakatuu loa e ia se kolo i le mauga, ti na fakaigoa loa e ia a ia ko Samalia, ofaipe le igoa ko Semele, aliki o le mauga.

Lua tosi o Sau 10:29

kae na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele, o leaise tiaki loa e ia a pipi aulo ala na tuu i Petele mo Tane.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 140:10

Ke vilo ki ulu o latou ala e takatakai ia au Le agaveli o olatou laugutu !

Pesalemo 36:12

Ke aua na kaku mai kiate au le vae o le tagata fia nealasi, Ti ke aua na kau sola i mua o le lima o le tagata agaveli !

Taagapati 24:16

Talie e siga tua fitu le tagata agatonu, ti e toe tuu ake a ia ki aluga, Kae e laku le kau agaveli ki le malaia.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 43:17

Leia na tuku ia ke ano ki le tau ni saliote mo ni osi, Ni kau solia mo ni tagata toa, Ala na sisiga fakafokifa fuli i le temi e tasi, Ti na leaise lotou toe malaga ake loa ki aluga, Talie kua lotou mamate, kua lotou okioki ofaipe se vavai o se malama.

Selemia 25:27

E ke pati loa kia latou : E folafola le Eteleno o kau tau, le Atua o Iselaele, o pati : Kotou inu, kotou konana, kotou lulua, Ti kotou sisiga o leaise toe tuu ki aluga, Mo ka kotou tio loa ki le seleta leia e kau kakau atu loa kia koutou !

Selemia 51:64

Ti e ke pati loa : E feneeki loa le ogo o Papilone, e leaise toe tuuake loa a ia ki aluga mei malaia ala e kau aumai loa kiate ia. E mamate loa a atu puleaga. Ko le gatoaga leinei o folafola a Selemia.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Amosi 5:5

Aua na kotou afa Petele, Aua na kotou ano ki Kilikale, Aua na kotou fakalaka i Pele-Sepa. Talie e popula loa Kilikale, Ti e liliu loa Petele ko se kolo maumau.

Mikea 1:5

Ti ko nea fuli ana o tupu ko le agaveli a Sakopo, O tupu ko agasala o le fale o Iselaele ! Kolea le agaveli a Sakopo ? Pe leaise ko Samalia ? Koa ganea taualuga o Suta ? Pe leaise ko Selusalemi ?…

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Gaoi 18:25

Ti na ako a ia i le ala o le Aliki, ti i le oli o lona loto, na fakasa loa e ia mo fakamatala i le maoki le anoaga o Sesu, kae na iloa fai e ia le papitema a Soane.

Gaoi 19:23

I le temi lena, na soko loa se maveuveu lasi o uiga mo le ala o le Aliki.

Gaoi 19:9

Kae, i le fakafefeka mo le tui gataa o ni iki, o lauveli i mua o le toka api ki le ala o le Aliki, na tiaki loa e Paulo latou. Kae na too kese loa e ia le kau tisipulo mo ia, o ako loa e ia latou i aso fuli i le fale ako o Tilanusi.

Gaoi 24:14

E kau fakasa fakalauatea i ou mua le nea leinei : E kau tausi ki le Atua o oku tamana o mulimuli ki le ala leia e lotou fakaigoa ko se lotu mavae, kae e kau tui ki nea fuli ala e tosi i le lao ti mo le kau polofeta,

Gaoi 9:2

o kole kiate ia ni tosi ki sinakoka o Tamaso, o tupu ka maua loa e ia ni iki o le ala lena, tagata pe fafine, ke saisai loa e ia latou o aumai ki Selusalemi.

Tetelonome 33:11

Tapuaki ki lona makeke, Eteleno ! Tali le gaoiaga o ona lima ! Fatii a ifiifi o latou e fesagai kiate ia, Ti ke aua na lotou toe tuu ki aluga ona fili !

Tetelonome 9:21

Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.