Amosi 8:12 - Tosi Tapu

¹² E lotou feanoaki loa mei le tasi a tai ki le tasi a tai, Mei le noleto ki le esite, E lotou ano saele loa o afa le folafola a le Eteleno, Kae e leaise lotou maua loa a ia.

Amosi 8:12 ပူးပေါင်းရင်းမြစ်များ

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 14:6

E afa e le tagata gologolo le poto, kae e leaise maua e ia a ia ; Kae ko se nea faigaofie le poto ki le tagata atamai.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Esekiele 20:3

Vosa o le tagata, masau ki le kau matua o Iselaele, ti ke pati kia latou : E folafola le Aliki, le Eteleno, o pati : Pe na kotou au o afa au ? E pati le Aliki, le Eteleno : E kau mauli ! e leaise kau tali ke kotou afa au.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Mateo 12:30

Ko leia e leaise kau mo au e fakafesagai kiate au, ti ko leia e leaise tanaki mo au e veuki.

Uluaki tosi a Samuele 3:1

Na tausi loa Samuele ki le Eteleno, i mua o Eli. Na masau tasitasiga ai le Eteleno i le temi lena, ti na leaise maua foki ni tio.