Amosi 7:4 - Tosi Tapu

⁴ Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Amosi 7:4 ပူးပေါင်းရင်းမြစ်များ

Esaia 27:4

Kua oki loku ita ; Kae kapau e tonu ke kau taui a vao veveli mo vao sukisuki, E kau taui loa latou, ti e kau tutu fakatasi loa latou i le afi.

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Esekiele 21:3

E ke pati loa ki le vaomatua o le potu saute : Fakalogo mai ki le folafola a le Eteleno ! E folafola le Aliki, le Eteleno, o pati : E kau tafu loa se afi i loto malie o ou, Ti e tutu loa e ia a laakau sesega fuli mo laakau malo fuli ; E leaise toe mate loa le ula makeke, Ti e vela loa mata fuli i ai, i le potu saute ki le potu noleto.

Soele 1:19

Oi Eteleno, ko koe leia e kau tagi ki ai ! Talie kua tutu e le afi le mutie o le toafa, Ti kua tutu e le ula a laakau fuli o le vao.

Soele 2:30

E kau fakasa loa ni nea fakamanamana i le lagi mo le kele, Se toto, mo se afi, ti mo ni pou afu.

Levitiko 10:2

Ti na mavae loa se afi mei mua o le Eteleno, o tutu laua : ti na la mamate loa i mua o le Eteleno.

Amosi 1:4

E kau kakau loa le afi ki le fale o Asaele, Ti e kai loa e ia a fale sau o Pene-Atate.

Amosi 1:7

E kau kakau loa le afi ki paa o Kasa, Ti e kai loa e ia a fale sau.

Amosi 2:5

E kau kakau loa le afi ki Suta, Ti e kai loa e ia a fale sau o Selusalemi.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Amosi 7:1

Na fakasa mai loa e le Aliki, le Eteleno, le tio leinei kiate au : Ko leinei, na fai e ia ni seseivaka, I le temi leia na kamata sosomo ai le mutie ; I le oki o le uluaki tuuti leia na fai ki le sau.

Amosi 7:7

Na fakasa mai loa e ia le tio leinei kiate au : Ko leinei, na tuu le Aliki i se paa sako, Ti na too e ia se nivo i lona lima.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Epelo 1:7

Ti na toe pati a ia ki le kau aselo : E fakagaoi e ia ana aselo ofaipe ni matagi ti mo ana kau fakasausau ofaipe se ulai afi

Apokalipisi 4:1

Ti na sili le nea lena, na kau tio loa, ti ko leinei, kua mavaa se matapa i le lagi. Ko le uluaki leo leia na kau logo ki ai, ofaipe le tagi o se fakatagi pupusi, ti na masau mai kiate au, na pati loa : Pale mai ki leinei, ti e kau fakatio loa a koe ki le nea leia e tonu ke soko ki muli.