Amosi 7:2 - Tosi Tapu

² Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Amosi 7:2 ပူးပေါင်းရင်းမြစ်များ

Pesalemo 12:1

Ki le pule o le kau sua. I le alepe va valu. Pesalemo a Tavite.

Ekesote 10:15

Na lotou mafolafola loa i aluga o le fenua katoa, ti na fakapouli loa le fenua katoa ; na lotou kai loa a mutie fuli o le kele mo fua o laakau, mo nea fuli ala na sao loa mei le ua fatu ; na leaise toe sao loa se lau laakau sega i laakau, pe ko se mutie i faisaga, i le fenua katoa o Esipito.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Esaia 51:19

Kua soko kiate koe a malaia ana e lua : Le kaia mo le maumau, le oge mo le tau. Ko ai e mamae loa kiate koe ? Ko ai e fakapelepele ia loa a koe ?

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Esekiele 11:13

Koi kau lolotoga kikite, kae mate loa Pelatia, vosa o Penasa. Na kau fakasiga loa ki oku mata, ti na kau tagi leo lasi : Ei Aliki Eteleno, pe ke fakapuli loa le nea leia e toe i Iselaele ?

Esekiele 9:8

Na kau nofo toka tasi i le temi lena na lotou taai ai le kolo, ti na kau fakamapee loa ki lalo o fakatau oku mata ki le kele, o kalaga : Ei Aliki Eteleno, pe ke maumaui loa a nea fuli ala koi toe i Iselaele, i lau liligi lou sausau ki Selusalemi ?

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Amosi 4:9

Na kau tautea koutou ki le mamate mo le masunu ; Na kai e seseivaka Okoutou oloto mauke, mo okoutou vite, mo okoutou fiki, mo okoutou oliveto. Kae logo ai le nea lena, na leaise kotou toe liliu mai kiate au, e pati le Eteleno.

Amosi 7:5

Na kau pati : Aliki Eteleno, taofi la ! Pe toe tuu feaki loa Sakopo ? Talie e gaegae ai a ia !

Sakalia 4:10

Talie ko latou ala na nukinuki ki le aso o ga kamataaga liliki e fiafia loa i le tio ki le nivo i le lima o Solopapele. Ko malama anei e fitu ko mata o le Eteleno, ala e taka i le malama nei katoa.

Apokalipisi 9:4

Ti na pati loa kia latou ke aua na lotou fai ia se nea veli ki le mutie o le kele, mo le vao sesega, ti mo laakau, kae ke gato fai ki tagata ala e leaise maua ia le fakamailoga o le Atua i olatou lae.