Amosi 7:17 - Tosi Tapu

¹⁷ O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Amosi 7:17 ပူးပေါင်းရင်းမြစ်များ

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Esaia 13:16

E laliki loa alatou fanau i olatou mua, Ti e kaia loa olatou fale, ti e fakamakeke loa alatou fafine.

Esaia 22:18

E tekai loa e ia a koe, io, e tekai loa e ia a koe ofaipe se fa fitipolo Ki se kele lau lasi. I lena e ke mate ai loa, i lena e tuku ai loa au saliote fulumalilie, A koe ko le lumaaga o le fale o lou pule !

Selemia 14:16

Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 20:6

Ti ko koe, Pasule, mo latou fuli ala e nonofo i lou fale, e kotou ano loa o popula ; e ke ano loa ki Papilone, ti e ke mate loa i ai, ti e ke tanu loa i ai, a koe mo ou kaukau nea fuli ala kua ke kikite loi ki ai.

Selemia 28:12

Kae i le oki o le fatii e le polofeta ko Anania le amo mei le ua o le polofeta ko Selemia, na tuku loa le folafola a le Eteleno kia Selemia, o pati :

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Selemia 29:21

E folafola le Eteleno o kau tau, le Atua o Iselaele, o pati kia Akapo, vosa o Kolasa, mo Setesiasi, vosa o Maasesa, ala e kikite kia koutou le loi i loku suafa : Ko leinei, e kau tuku loa laua ki lima o Nepukatenesale, sau o Papilone ; ti e tamate loa e ia laua i okoutou mua.

Selemia 29:25

E folafola le Eteleno o kau tau, le Atua o Iselaele, o pati : O tupu kua ke ave i lou igoa ki le kakai katoa o Selusalemi, kia Sofoni, le tagata faisakilifisio, vosa o Maasesa, mo tagata faisakilifisio fuli, se tosi leia e pati i ai :

Tagi laulau a Selemia 5:11

Na lotou fakamatagafua a fafine i Sione, Mo taupoou i kolo o Suta.

Esekiele 4:13

Ti na pati le Eteleno : E kai feneeki loa e fanau o Iselaele lalatou pane kelekele, i puleaga ala e kau kapu loa latou ki ai.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Amosi 6:7

Koia leia e taki ai loa latou i mua o le kau popula ; Ti e gato loa a kalaga fiafia a le kau fai lafeti lena !

Amosi 7:11

Talie ko leinei le nea na fakasa e Amosi : E mate loa Selopoamo i le seleta, ti e ave loa Iselaele o fakapopula ke mamao i lona fenua.

Amosi 8:1

Na fakasa mai loa e le Aliki, le Eteleno, le tio leinei kiate au : Ko leinei, ko se kete fuai laakau.

Amosi 9:1

Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Amosi 9:8

Ko leinei, e tio a mata o le Aliki, le Eteleno, ki le puleaga agasala. E kau maumaui loa a ia i aluga o le malama nei ; Kae e leaise kau maumaui katoa loa le fale o Sakopo, E pati le Eteleno.

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Sakalia 14:2

E kau fakatasi loa a atu puleaga fuli ke lotou osoi Selusalemi. E too loa le kolo, e kaia loa a fale, ti e fakamakeke loa a fafine. E ano loa le vaelua o le kolo ki le popula. Kae e feala loa ke nofo le toega o le kakai i le kolo.