Amosi 7:15 - Tosi Tapu

¹⁵ Kae na too au e le Eteleno i muli o le kau manu, ti na pati mai loa le Eteleno kiate au : Ano, ti ke kikite ki loku kakai ko Iselaele.

Amosi 7:15 ပူးပေါင်းရင်းမြစ်များ

Lua tosi a Samuele 7:8

I le lakaga nei, e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le lotoa manu i muli o kau ovi, o tupu ke ke liliu ko le pule o loku kakai, ko Iselaele ;

Uluaki tosi o Sau 19:19

Na mavae loa Elia mei le ana, ti na maua loa e ia Eliseo, vosa o Safate, leia na lolotoga fakamaluu kele. Na i ai ni soa pipi e kau agafulu tupu lua i ona mua, ti na nofo a ia mo le kau agafulu tupu lua soa pipi. Na fakafeofi loa Elia kia Eliseo, o ti lona taupulupulu kiate ia.

Selemia 1:7

Ti na pati mai loa le Eteleno kiate au : Aua na ke pati : Ko se ga toe au. Talie e ke ano loa kia latou fuli ala e kau kakau loa a koe ki ai, ti e ke fakasa loa a nea fuli ala e kau fakatotonu atu loa kiate koe.

Selemia 26:12

Na pati loa Selemia ki le kau pule fuli mo le kakai katoa : Na kakau mai au e le Eteleno ke kikite ki le fale leinei mo le kolo leinei a nea fuli ala kua kotou logo ki ai.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Mateo 9:9

I lana ano ki se tasi ake ganea, na tio loa Sesu ki se tagata leia na ekeeke i le pilo o tukusau, ti na igoa a ia ko Mateo. Na pati loa Sesu kiate ia : Muli mai iate au ! Na tuu ake loa le tagata lena ki aluga, ti na muli loa a ia iate ia.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 4:20

talie e leaise mafai ke aua na ma masau ki le nea leia kua ma tio mo logo ki ai.

Gaoi 5:20

Kotou ano, o tutuu i le fale tapu, ti kotou fakasa ki le kakai a folafola fuli o le mauli leinei.

Uluaki tosi a Samuele 10:11

Ko latou fuli ala na iloa ia Saulo i mua, na tio loa kiate ia kua folafola fakakikite mo le kau polofeta, ti na fepatiaki le kakai : Kolea le nea leia kua soko ki le vosa o Kise ? Pe kua kau foki Saulo i le kau polofeta ?