Amosi 7:13 - Tosi Tapu

¹³ Kae aua na ke toe soko atu lau faikikite i Petele, talie ko le fale tapu o le sau, ti ko se fale fakasau.

Amosi 7:13 ပူးပေါင်းရင်းမြစ်များ

Uluaki tosi o Sau 12:29

Na fakatuu loa e ia le tasi a pipi i Petele, ti na tuku loa e ia leia ake a pipi i Tane.

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Uluaki tosi o Sau 13:1

Ko leinei, na kaku mai loa se tagata a le Atua mei Suta ki Petele, o tupu ko le folafola a le Eteleno, kae na lolotoga tutu e Selopoamo i le aletale a nea fakamanogi.

Lua tosi o Sau 14:24

Na fai loa e Selopoamo le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele.

Esaia 30:10

Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Selemia 26:9

Kolea e ke kikite ai i le suafa o le Eteleno, o pati : E fai loa le fale leinei pe Silo, ti e maumaui loa le kolo leinei, ti e leaise toe nofoi loa a ia ? Ti na mumui loa le kakai katoa kia Selemia i le fale o le Eteleno.

Amosi 2:12

Kae na kotou fakainu le vino ki le kau nasilea ! Ti na kotou tuku ki le kau polofeta le fakatotonu leinei : Aua na kotou faikikite !

Amosi 3:14

I le aso leia e kau tautea ai loa Iselaele o tupu ko ana agasala, E kau taai loa a aletale o Petele ; E fatifati loa a tala o le aletale, O vivilo loa ki le kele.

Amosi 5:5

Aua na kotou afa Petele, Aua na kotou ano ki Kilikale, Aua na kotou fakalaka i Pele-Sepa. Talie e popula loa Kilikale, Ti e liliu loa Petele ko se kolo maumau.

Amosi 7:16

Koia ke ke fakalogo mai ai i le lakaga nei ki le folafola a le Eteleno, a koe leia e pati : Aua na ke kikite ki le fenua ko Iselaele, ti aua na ke masau ki le fale o Isaake.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.