Amosi 6:6 - Tosi Tapu

⁶ E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Amosi 6:6 ပူးပေါင်းရင်းမြစ်များ

Senesi 49:22

Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Esitele 3:15

Na ano fakatavili loa le kau avetosi, o mulimuli ki le fakatotonu a le sau. Na fakasa foki le fono lena i Suse, le kolo mua ; ti na lolotoga inu le sau mo Amane, kae na maveuveu le kolo ko Suse.

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Oseo 3:1

Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

Amosi 2:8

E lotou momoe i tafa o aletale i ni kofu na tuku ake e le kau mativa kia latou, Ti e lotou inu i le fale o olatou atua le vino a latou ala e lotou fakatua.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Soane 12:3

Na too loa e Malia se kaloni ko le nale maoki, ko se vaeluai liti, ti ko se koloa lasi, o takai ai a vae o Sesu, ti na solosolo e ia laua ki lona lauulu ; ti na apele loa le fale i le manogi o le kaloni.

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Uluaki tosi ki le kau Kolinto 12:26

Ti kapau e mamae se koga tino e tasi, e mamae a koga tino fuli mo ia ; ti kapau e fakamauiga se koga tino e tasi, e fiafia a koga tino fuli mo ia.

Uluaki tosi kia Timoteo 5:23

Aua na ke inu vai ata, kae tau inu se ga vino, o tupu ko lou kete mo ou tautau masaki.