Amosi 6:13 - Tosi Tapu

¹³ E kotou fakafiafia ki le nea leia e noa, E kotou pati : Pe leaise ko lomatou makeke Leia na motou maua ai le malo ?

Amosi 6:13 ပူးပေါင်းရင်းမြစ်များ

Lua tosi o Sau 13:25

Na toe too loa e Soasi, vosa o Soakase, mei lima o Pene-Atate, vosa o Asaele, a kolo ala na too e Asaele mei lima o Soakase, lona tamana, i le tau. Na malo tua tolu Soasi ia Pene-Atate, ti na toe maua loa e ia a kolo o Iselaele.

Lua tosi o Sau 14:25

Na toe fai loa e Selopoamo a koiga o Iselaele, mei le uluaga i Amati o kaku ki le Tai Mate i le laumalie, o mulimuli ki le folafola leia na fakasa e le Eteleno, le Atua o Iselaele, i le gutu o lana tagata fakasausau ko Sonasi, le polofeta, vosa o Amitai, mei Kate-Efele.

Sopo 31:25

Kapau na kau fiafia i le lasi o oku koloa, I le lasi o koloa kesekese ala na kau maua i laku gaoi ;

Sopo 31:29

Ti kapau na kau fiafia i le malaia o loku fili, Ti kapau na kau soposopo i le temi o lona malaia,

Sopo 8:14

Kua motusi lona fanakiaga, Ti ko lona tokoi ko se pikiaga o le kaleveleve.

Sopo 8:15

E fafanaki a ia ki lona fale, ti e matule a ia ; E tapiki a ia ki ai, kae e leaise se tuu a ia.

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Pesalemo 75:4

E lulu le malama nei mo latou fuli ala e nonofo i ai : Ko au, e kau fakamakeke ona pou. - Manava.

Pesalemo 75:5

E kau pati kia latou ala e fakakololia : Aua na kotou fakakololia ! Ki le kau agaveli : Aua na malaga ki aluga okoutou ulu !

Esaia 7:1

Na soko loa i le temi o Akasi, vosa o Sotame, vosa o Osiasi, sau o Suta, na pale loa Letisini, sau o Silia, mo Pekase, vosa o Lemalia, sau o Iselaele, ke taui Selusalemi, kae na leaise la mafai ia.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 8:6

O tupu na tiaki e le kakai leinei a vai o Siloe ala e tafe mamalie, Kae na lotou fiafia ia Letisini mo le vosa o Lemalia,

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Esekiele 29:9

Ti e lavaki loa mo vaoa le fenua o Esipito. Ti e lotou iloa loa ko au ko le Eteleno, Talie na pati a ia : Ko le vaitafe a aku, ko au leia na fakatupu ia a ia !

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Sonasi 4:6

Ti na fakasomo ake loa e le Eteleno Atua se lisega, leia na malaga loa i aluga o Sonasi, o fakamalumalu lona ulu mo too ia lona itaita. Ti na fiafia lasi loa Sonasi o tupu ko le lisega lena.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Sakalia 1:19

Na kau pati loa ki le aselo leia na masau mai kiate au : Kolea le uiga o tala anei ? Ti na pati mai loa a ia kiate au : Ko tala ana ala na fakamavete ia a Suta, mo Iselaele, ti mo Selusalemi.

Soane 16:20

E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Sakopo 4:16

Kae ko leinei, e kotou fiafia i akoutou manatu fia nealasi. Ko se nea veli le fiafia fenaaki.

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.

Tuifakamaau 9:27

Na lotou ano loa ki faisaga vite o le kakai o Siseme, o tau a fuai vite o tatau, ti na lotou fai loa ni fakafiafia. Na lotou ulu loa ki le fale tapu o lolatou atua, o kai mo inu i ai, ti na lotou fai loa ni masau fakaveli kia Apimeleke.

Uluaki tosi a Samuele 4:5

I le temi leia na ulu ai loa le aleka o le sai a le Eteleno ki le nofolaga tau, na kalaga fakafiafia loa a Iselaele katoa, o galulu ai loa le kele.