Amosi 6:10 - Tosi Tapu

¹⁰ Ka too loa e se tasi o le famili se mate o tutu, Ti ka too loa e ia i le fale ona ivi, E pati loa a ia ki leia e nofo i muli o le fale : Pe koi toe se tasi mo koe ? Ti e tali loa le tagata lena : E leai se tasi… Ti e pati loa leia ake : fakaleemu ! E leaise ko le temi leinei ke too ai le suafa o le Eteleno.

Amosi 6:10 ပူးပေါင်းရင်းမြစ်များ

Lua tosi o Sau 23:16

I le maliu loa a Sosiasi o tio ki tanuma ala na tuu i le mauga, na kakau loa e ia ke tae mai a ivi mei tanuma, ti na tutu loa e ia latou i aluga o le aletale ke fakakelekele ai latou, o mulimuli ki le folafola leia na fakasa e le Eteleno i le gutu o le tagata a le Atua, leia na fakasa fakatomua ia a nea ana.

Lua tosi o Sau 6:33

Na koi masau Eliseo kia latou kae kaku mai le sau, o pati : E au le malaia leinei mei le Eteleno, kolea loa koi mafai ke kau toe amanaki ki ai ?

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Amosi 5:13

Koia leia kua fakaleemu ai le tagata poto, i ni temi ofaipe temi nei, Talie kua veveli a temi nei.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Numelo 17:12

Na pati loa fanau a Iselaele kia Moisese : Ko leinei, e motou mamate loa, e motou malaia loa, e motou malaia fuli loa !

Uluaki tosi a Samuele 31:12

na tutuu ake loa tagata toa fuli, ti na lotou saele loa i le po katoa o kaku ki Pete-Sani, ti na lotou too loa a tino o Saulo mo ona vosa i le paa. Ti na lotou toe liliu loa ki Sapesi, ti na lotou tutu loa i ai olatou tino.