Amosi 5:8 - Tosi Tapu

⁸ Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Amosi 5:8 ပူးပေါင်းရင်းမြစ်များ

Sopo 12:22

E fakasa e ia le nea leia e fufu i le fakapouli ; Ti e aumai e ia ki le malama le malu o le mate.

Sopo 37:13

E fakasoko e le Atua lona finegalo ki le malama nei, O tautea, pe fakasa lona alofa.

Sopo 38:34

Pe mafai ke ke kalaga ki ao Ke lotou liligi atu kiate koe ni vai ofaipe ni liua ?

Sopo 9:9

Na fakatupu e ia le Uluso Lasi, mo le Olione ti mo le Peleiate, Ti mo fetuu o le potu saute.

Pesalemo 104:20

E ke aumai le fakapouli, ti e pouli ; Ti e taugaoi loa a manu fuli o le vao ;

Pesalemo 105:28

Na kakau loa e ia le fakapouli, ti na aumai loa e ia le pouli, Ti na leaise la agatuu loa ki lana folafola.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 59:10

E motou saele taufa ofaipe ni kivi ki se kaua, E motou saele taufa ofaipe latou ala e leai ni mata ; E motou sisiga i le lalatea ofaipe le pouli, I loto malie o le mou e motou faipe ni mate.

Selemia 16:21

Koia ko leinei, e kau fakasa kia latou i le faiaga leinei, E kau fakasa kia latou loku mafimafi mo loku makeke ; Ti e lotou iloa loa ko loku suafa ko le Eteleno.

Selemia 33:2

E folafola le Eteleno, leia e fai ia a nea ana, Le Eteleno, leia e fakakaukau ia latou ti e fakasoko ia latou, Leia e igoa ko le Eteleno :

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Amosi 9:6

Na fakatuu e ia lona fale i le atu lagi, Kae tuu lona fakatafito i le kele. E kalagai e ia a vai o le tai, Ti e fakamafola e ia latou i aluga o le kele : Ko le Eteleno ko lona igoa.

Mateo 4:16

Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.