Amosi 5:2 - Tosi Tapu

² Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Amosi 5:2 ပူးပေါင်းရင်းမြစ်များ

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Esaia 14:21

Kotou teuteu le tamate o vosa, O tupu ko le agasala o olatou tamana ! Ke aua na lotou toe tuu ake ki aluga o pule i le kele, Ti mo fakaapele le malama nei i fili !

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 43:17

Leia na tuku ia ke ano ki le tau ni saliote mo ni osi, Ni kau solia mo ni tagata toa, Ala na sisiga fakafokifa fuli i le temi e tasi, Ti na leaise lotou toe malaga ake loa ki aluga, Talie kua lotou mamate, kua lotou okioki ofaipe se vavai o se malama.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 18:13

Koia e folafola ai le Eteleno, o pati : Kotou vesili ki atu puleaga ! Ko ai kua logo ki ni nea fenaaki i se aso ? Na fai e le taine taupoou o Iselaele ni nea fakalialia o veli ai.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 50:32

E seke loa le taine fia nealasi o vilo ki lalo, ti E leaise toe lagai loa a ia ki aluga e se tasi. E kau tuku loa le afi ki ona kolo, Ti e kai loa e ia ona tafatafa fuli.

Selemia 51:64

Ti e ke pati loa : E feneeki loa le ogo o Papilone, e leaise toe tuuake loa a ia ki aluga mei malaia ala e kau aumai loa kiate ia. E mamate loa a atu puleaga. Ko le gatoaga leinei o folafola a Selemia.

Selemia 8:4

Pati kia latou : E folafola le Eteleno, o pati : Pe ka siga ti e leaise toe tuu ake ki aluga ? Pe ka sese ti e leaise toe tafoki mai ?

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Selemia 9:9

Pe leaise kau tautea loa latou, o tupu ko nea ana ? e pati le Eteleno. Pe leaise kau totogi loa ki se puleaga felaaki ?

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Amosi 8:14

E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.