Amosi 5:17 - Tosi Tapu

¹⁷ I vite fuli e tagi laulau loa, I le aso leia e kau fakalaka ai loa i loto malie o ou, e pati le Eteleno.

Amosi 5:17 ပူးပေါင်းရင်းမြစ်များ

Ekesote 11:4

Na pati loa Moisese : Ko leinei le folafola a le Eteleno : I lotomalie o le pouli, e kau fakalaka loa i Esipito ;

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 12:23

Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Esaia 16:10

Kua pupuli le fiafia, mo le nekenekea i ganea faisaga ; E leaise koi logo ki ni sua mo ni kalaga fiafia i faisaga vite ! E leaise koi takatakafi e le tagata tau vite le vino i fa tane vino ; Kua kau fakagato a kalaga fakafiafia.

Selemia 48:33

Kua puli le fiafia mo le nekenekea i kolo vao Ti mo le fenua o Moape ; Na kau fakamasa le vino i tane vino ; E leaise koi takatakafi i le fiafia le fua o le vite i le tatauaga vino. E i ai ni kalaga ki le tau, kae leaise ko ni kalaga o le fiafia.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Naume 1:12

Koia e folafola ai le Eteleno : Logo ai e lotou makeke mo toka api, Kae e tuuti loa latou ti e lotou pupuli loa. E kau loto ke fakamamae a koe, Ke aua na toe fakamamae a koe…

Sakalia 9:8

E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.