Amosi 5:16 - Tosi Tapu

¹⁶ Koia leia e folafola ai le Eteleno, le Atua o kau tau, le Aliki, o pati : I malae fuli e tagi laulau loa, I ala fuli e pati loa : Oiau ! Oiau ! E kalagai loa le tagata gaoi kele ki le putu, Ti ke tagi laulau latou ala e sua ia ni laumate.

Amosi 5:16 ပူးပေါင်းရင်းမြစ်များ

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Esaia 15:8

Talie kua takatakai e tagi le fenua katoa o Moape ; Kua logo ana tagi laulau o kaku ki Ekalaime ; Kua logo ana tagi laulau o kaku ki Peele-Elimi.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Selemia 30:5

E folafola le Eteleno, o pati : E motou logo ki ni kalaga fakaii, Ko le malaia, kae e leaise ko le tokamalie.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Soele 1:11

Kua luma le kau gaoi kele, kua lauga le kau gaoi vite, O tupu ko le fulumeto mo le olese ; Talie kua maumau a fua o faisaga.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Soele 1:8

Ke ke tagi laulau, ofaipe le taine taupoou leia e tui ia le taga, O tagi ki le alofaaga o lona temi tupulaga !

Amosi 3:13

Kotou fakalogo, kotou fakasa le nea leinei ki le fale o Sakopo ! E pati le Aliki, le Eteleno, le Atua o kau tau :

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Mikea 1:8

Koia leia e kau tagi ai loa, e kau tagi laulau loa, E kau saele kilii vae loa mo fakatekateka loa, E kau kalaga loa ofaipe se kuli vao, Ti e kau tagi loa ofaipe le otulusi.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Apokalipisi 18:10

E lotou tuu loa mei mamao, i le i ki lona mamae, o pati : Malaia ! Malaia ! le kolo lasi ko Papilone, le kolo makeke lena ! Talie kua soko lou fakamaau i se ola e tasi.

Apokalipisi 18:19

Ti na lotou laku loa le efu ki olatou ulu, o tagi, mo lauga, ti na lotou kalaga loa, o pati : Malaia ! Malaia ! Ko le kolo lasi, leia na mou koloa ai latou fuli ala na maua ia ni vaka i le tai, o tupu ko le lasi o lana fai fakatau, kua maumaui loa a ia i se ola fai e tasi !