Amosi 5:14 - Tosi Tapu

¹⁴ Kotou afa le malie, kae aua le veli, o tupu ke kotou mauli, Ti ke nofo le Eteleno, le Atua o kau tau, mo koutou, Ofaipe le nea leia e kotou fakasa ia.

Amosi 5:14 ပူးပေါင်းရင်းမြစ်များ

Senesi 39:23

Na leaise toe tokaga loa le pule o le fale pilisoni ki nea ala kua tuku ki lima o Sosefo, talie na nofo le Eteleno mo ia. Ti na fakamanuia loa e le Eteleno a nea fuli ala na fai e ia.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Taagapati 11:27

E ifo le kalasia ki leia e afa ia le malie ; Kae ifo le malaia ki leia e tuli ia le veli.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Amosi 3:3

Pe saele fakatasi ni tagata e toka lua Kae e leikiaise la tonu tasi ?

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Lua tosi kia Timoteo 4:22

Ke nofo le Aliki mo lou laumalie ! Ke nofo le kalasia mo koutou !

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.