Amosi 5:11 - Tosi Tapu

¹¹ Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Amosi 5:11 ပူးပေါင်းရင်းမြစ်များ

Sopo 20:19

Talie na fakamakeke e ia ti na tiaki e ia le kau mativa ; Ti na maumaui e ia olatou fale, kae na leaise fakatuu e ia se fale kia latou.

Esaia 16:10

Kua pupuli le fiafia, mo le nekenekea i ganea faisaga ; E leaise koi logo ki ni sua mo ni kalaga fiafia i faisaga vite ! E leaise koi takatakafi e le tagata tau vite le vino i fa tane vino ; Kua kau fakagato a kalaga fakafiafia.

Esekiele 26:12

E too loa ou koloa, ti e kaia loa ou fale koloa, ti e soloi loa ou paa, ti e maumaui loa ou fale malolo, ti e laku loa ki le tai ou fatu, mo lou papa, mo lou efu.

Esekiele 34:21

Talie na kotou aga o tule ki okoutou fetuu mo okoutou vae mua, ti na kotou aga o soka ki okoutou tala, a ovi gaegae, o kaku ki lakotou aga o kapu latou i le kau manu,

Oseo 9:2

Ko le sasaaga fulumeto, mo le tatauaga lolo e leaise fagai ia loa latou, Ti ko le vino foou e sala loa ia latou.

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Amosi 2:6

Koia e folafola ai le Eteleno, o pati : O tupu ko agaveli e tolu a Iselaele, E fa foki, e leaise kau toe fetogi loa laku fakatotonu, Talie na lotou fakatau le tagata agatonu ki se paaga, Ti mo le tagata mativa ki se sa taka.

Amosi 2:7

E lotou loto ke tio ki le efu o le kele i le ulu o le kau fakaaloalofa, Ti e lotou tiaki le tagi a le kau mativa. E ano le vosa mo le tamana ki le taine e tasi, O tupu ke fakakelekele loku suafa maokioki.

Amosi 3:15

E kau maumaui loa a fale o le temi momoko mo fale o le temi vevela ; E maumau loa a fale sau lei, E pupuli loa a fale o le kau lalasi, e pati le Eteleno.

Amosi 3:9

Kotou fakagugulu okoutou leo i fale sau o Asetoti, Mo fale sau o le fenua o Esipito, Ti kotou pati : Kotou fakatasi ki mauga o Samalia, Ti kotou tio ki le maveuveu lasi i ai, Ti mo agamakeke i loto malie o ona !

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 6:11

Talie ko leinei, kua fakatotonu e le Eteleno : E tuku loa e ia ke maofa le fale lasi, Ti ke maumau le fale ikiiki.

Amosi 6:12

Pe makape a osi i aluga o se utu ? Pe fakamaluu le kele i ai ki ni pipi ? Kolea kua kotou fetogi ai le loto sako ki se nea kona, Ti mo le fua o le faitotonu ki se laakau kona ?

Amosi 8:4

Kotou fakalogo mai ki le nea leinei, koutou ala e kai ia le kau mativa, Ti e maumaui ia le kau fakaaloalofa o le fenua !

Amosi 9:14

E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Mikea 1:6

E kau fakaliliu loa Samalia ko se tuuga fatu i faisaga, Ko se ganea ke to ai le vite ; E kau laku loa ona fatu ki le vaivailiua, E kau tuku loa ke telefua ona fakavae.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Mikea 6:15

E ke muluki loa, kae e leaise ke tau ia loa, E ke tatau loa a fua o le oliveto, Kae e leaise ke fai loa ni pani ki le lolo ; E ke tatau loa a fua o le vite, kae e leaise ke inu loa ki se vino.

Sofoni 1:13

E kaia loa olatou koloa, Ti e maumaui loa olatou fale. E lotou pakia loa i le fakatuu o ni fale kae e leaise lotou nonofo loa i ai. E lotou pakia loa i le to o ni vite kae e leaise lotou inu loa ki lona vino.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Malakia 1:4

Kapau e pati Etome : Kua motou maumau, E motou toe laga loa a maumau ! Koia e folafola ai le Eteleno o kau tau : Ke lotou fakatuu ! e kau soloi loa, Ti e fakaigoa loa latou fenua o le agaveli, Kakai leia e itaita ki ai le Eteleno o lee gato.

Tetelonome 28:30

E ke feauaki loa mo se fafine, ti e momoe loa a ia mo se tasi ake tagata ; e ke fakatuu ia loa se fale, ti e leaise ke nofo loa i ai ; e ke to ia loa se vite, ti e leaise ke kai loa ki ai.

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?