Amosi 5:10 - Tosi Tapu

¹⁰ I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Amosi 5:10 ပူးပေါင်းရင်းမြစ်များ

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Taagapati 15:12

E leaise loto le tagata fia nealasi ke valoki, Ti e leaise ano a ia ki le kau poto.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Selemia 38:7

Na logo loa Epeti-Meleke, tagata Etiopia, enuke leia na nofo i le fale o le sau, kua tuku Selemia ki le sosoni. Na tonatona loa le sau i le matapa o Pesamino.

Oseo 4:4

Kae ke aua na tuku loa le veli ki se tasi, ke aua na valoki loa se tasi ake ; Talie e kau fai le fakamaau mo koe, leia ko le pule faisakilifisio.

Levitiko 13:10

Ti e tioi loa a ia e le tagata faisakilifisio : kapau e tea le mata o le fakafufula i le kili, ti kua tea a fulu o le ganea lena, ti kua sa le kanofi mauli i le papala,

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 3:20

Talie ko leia e fai ia le veli e vesia ki le malama, ti e leaise au a ia ki le malama, o tupu ke aua na sa ana gaoi ;

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Kalate 4:16

Pe kua kau liliu ko lokoutou fili i laku fakasa atu kia koutou le maoki ?

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.