Amosi 5:1 - Tosi Tapu

¹ Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Amosi 5:1 ပူးပေါင်းရင်းမြစ်များ

Selemia 18:13

Koia e folafola ai le Eteleno, o pati : Kotou vesili ki atu puleaga ! Ko ai kua logo ki ni nea fenaaki i se aso ? Na fai e le taine taupoou o Iselaele ni nea fakalialia o veli ai.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:17

E folafola le Eteleno o kau tau, o pati : Kotou afa, kotou kalagai mai le kau fafine tagi, ti ke lotou au ! Kotou kakau se tasi ki le kau fafine poto, ti ke lotou au !

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:9

Pe leaise kau tautea loa latou, o tupu ko nea ana ? e pati le Eteleno. Pe leaise kau totogi loa ki se puleaga felaaki ?

Esekiele 19:1

Ti ko koe, fatu se lau mamae ki pule o Iselaele,

Esekiele 19:14

Na mapuna le afi i ona laa, Ti na kai e ia ona fua ; E leaise koi maua e ia ni laa makeke Ke fai ai se tokotoko fakasau. Ko lena se lau mamae, leia e tonu ke sua ko se lau mate.

Esekiele 26:17

E lotou fai loa se tagi laulau kiate koe, o pati : Kolea ! Kua ke maumau ! A koe leia na fakakakai e latou ala na folau i tai fuli ! Kolo logologona, leia na makeke i le tai ! Kua maumau a ia mo latou ala na nonofo i ai, Ala na i ki ai a fenua fuli i ona tafatafa.

Esekiele 27:2

Ti ko koe, vosa o le tagata, Fai se tagi laulau ki Tile !

Esekiele 28:12

Vosa o le tagata, Fai se tagi laulau ki le sau o Tile ! E ke pati loa kiate ia : E folafola le Aliki, le Eteleno, o pati : Na ke liliu ko se paaki totonu o le malie tukupau, Na ke apele i le poto, na ke malie tukupau i le fulumalie.

Esekiele 32:16

Ko lena se tagi laulau leia e tonu ke sua ; E sua loa a ia e taineliki o atu puleaga ; E lotou sua loa a ia ki Esipito mo lona kakai katoa, E pati le Aliki, le Eteleno.

Esekiele 32:2

Vosa o le tagata, Fai se tagi laulau kia Falaone, sau o Esipito ! E ke pati loa kiate ia : Na ke faipe se laione muli i loto malie o atu puleaga ; Na ke faipe se kolokotile i atu tai, Na ke ano i loto o ou vaitafe, Na ke fakafufu olatou vai ki ou vae, Na ke fakapiau olatou galu.

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 5:16

Koia leia e folafola ai le Eteleno, le Atua o kau tau, le Aliki, o pati : I malae fuli e tagi laulau loa, I ala fuli e pati loa : Oiau ! Oiau ! E kalagai loa le tagata gaoi kele ki le putu, Ti ke tagi laulau latou ala e sua ia ni laumate.

Amosi 8:14

E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…