Amosi 4:6 - Tosi Tapu

⁶ Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Amosi 4:6 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:2

Ti na ano loa Elia, ke tuu i mua o Akapo. Na lasi ai le oge i Samalia.

Lua tosi o Sau 4:38

Na toe au loa Eliseo ki Kilikale, ti na i ai se oge i le fenua. Na tonatona loa a vosa o le kau polofeta i ona mua, ti na pati loa a Eliseo ki lana tagata fakasausau : fakatuu le fa kulo lasi ti ke fakamoso se supa ki vosa o le kau polofeta.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Lua tosi o Koloniko 28:22

I le lolotoga o lana nofo i le mamae, na soko atu e ia lana agasala ki le Eteleno, a ia, le sau ko Akase.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 16:27

Ti ko leinei, kua kau siki loku lima kiate koe, ti kua kau fakaikiiki le vaega leia na kau fakatuutuu kiate koe, ti kua kau tuku a koe ke faitalisa ki ai ou fili, a taineliki o le kau Filisitini, ala na luma ki au agatukipo.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Soele 1:16

Pe leaise kua too le nea kai i otatou mata ? Pe leaise kua puli le fiafia mo le nekenekea i le fale o lotatou Atua ?

Levitiko 26:23

Ti kapau e leaise feauga le nea lena ki lokoutou fakatonutonu, ti kapau e kotou soko atu aifai lakoutou fakatutuu kiate au,

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Tetelonome 28:38

E ke to loa se pulapula lasi ki lau faisaga, kae e ke maua loa se ga fuata ikiiki, talie e kai loa a ia e le seseivaka.

Apokalipisi 2:21

Na kau tuku kiate ia se temi ke fakasemala ai, kae e leaise loto a ia ke fakasemala ki lana fai feauaki.

Lute 1:1

I le temi o le kau tui fakamaau, na to loa se oge i le fenua. Na ano loa se tagata o Peteleemi i Suta mo lana avaga, mo ona vosa e toka lua, o nofo i le fenua o Moape.