Amosi 4:12 - Tosi Tapu

¹² Koia leia e kau fai felaaki ai loa kiate koe, Iselaele ; Ti e tupu e kau fai felaaki loa kiate koe, Ke ke teuteu ki le felavei mo lou Atua, ei Iselaele !

Amosi 4:12 ပူးပေါင်းရင်းမြစ်များ

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Esaia 64:2

I le aso na ke fai ai ni nea fakamanamana ala na leaise motou talitali ki ai, Na ke ifo mai loa, ti na sosolo loa a mauga i ou mua.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Esekiele 13:5

Na leaise kotou pale o tapono a pu o le paa, Na leaise kotou takatakai le fale o Iselaele ki se paa, Ke kotou tuu makeke i le tau, I le aso o le Eteleno.

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Amosi 2:14

Ko leia e mauvave e leaise mafai loa ke sola, Ko leia e makeke e leaise mafai loa ke fakaaoga ia lona makeke, Ti e leaise saofaki loa e le tagata toa lona mauli ;

Mateo 24:44

Ti ko koutou foki, ke kotou nonofo teuteu, talie e au loa le Vosa o le tagata i le ola leia e leaise kotou talitali ki ai.

Mateo 5:25

Fakatokatoka vave mo lou fili i le temi leia e kolua ano ai i le ala, o tupu ke aua na ave loa e ia a koe ki le tui fakamaau, ti ke aua na ave loa a koe e le tui fakamaau ki le ofisa, ti ke aua na ave loa a koe ki le pilisoni.

Apokalipisi 3:3

Koia ke ke manatui ai pe na feaki lau tali mo lau logo ki le folafola, ti ke ke kukumi a ia, ti ke ke fakasemala. Kapau e leaise ke tokaga, e kau au loa ofaipe se tagata kaia, ti e leaise ke iloa loa pe ko le ola fea leia e kau au ai loa o fakamauatoka a koe.