Amosi 4:11 - Tosi Tapu

¹¹ Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Amosi 4:11 ပူးပေါင်းရင်းမြစ်များ

Esaia 13:19

Ti ko Papilone, le teuga o puleaga, Le fia tagataaga o le kau Kaletea, E fai loa pe Sotoma mo Komola, ala na maumaui e le Atua.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Selemia 23:14

Kae i le kau polofeta o Selusalemi, na kau tio ki ni nea e toe fakalialia ake ; E lotou fai tono, e lotou saele i le loi. E lotou fakamakeke a lima o le kau agaveli, O tupu ke aua na tafoki mai kiate au se tasi ia latou i lana agaveli. Kua lotou fai fuli ki oku mata pe Sotoma, Ti kua fai le kakai o Selusalemi pe Komola.

Selemia 49:18

Ofaipe Sotoma mo Komola ti mo kolo i tafatafa, ala na maumaui, E pati le Eteleno, E leaise toe nofoi loa a ia, E leaise toe nofo loa i ai se tagata…

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 50:40

Ofaipe Sotoma mo Komola, ti mo kolo i ola tafatafa, ala na maumaui e le Atua, E pati le Eteleno, E leaise toe nofoi loa a ia, E leaise toe liliu loa a ia ko se nofoaga fakatemi o se tagata.

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Loma 9:29

Ti e faipe lona fakasa e Esaia i mua atu : Ka na leaise tuku mai Ele Aliki o kau tau kia tatou se fakaili, Na tou liliu loa ofaipe Sotoma, Na tou tatau loa mo Komola.

Uluaki tosi ki le kau Kolinto 3:15

Kae kapau e vela le gaoi a se tasi, e puli loa lona fakapale ; kae e fakamauli loa a ia, kae sakinake na fakalaka mua a ia i le afi.

Tetelonome 28:24

E kakau loa e le Eteleno ki lou fenua se ua efu mo se ua one ; e la to loa kiate koe o kaku ki lou maumaui.

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -

Lua tosi a Petelo 2:6

kapau na tautea e ia ki le maumau, ti na fakaliliu e ia o mugalafu a kolo o Sotoma mo Komola, o tuku laua ofaipe se fakamaoki ki tagata agasala o le temi ka au,

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;