Amosi 4:10 - Tosi Tapu

¹⁰ Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Amosi 4:10 ပူးပေါင်းရင်းမြစ်များ

Lua tosi o Sau 10:32

I le temi lena, na kamata tuku loa e le Eteleno ke taui a Iselaele i ona potu fuli ; ti na taui loa latou e Asaele o lava i le koiga katoa o Iselaele.

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 8:19

E kau fai loa se fakamailoga i loku kakai mo lou kakai. Ti e soko loa le fakamailoga lena i apogipogi.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Ekesote 9:17

Kapau e ke toe fia malaga ki loku kakai, ti kapau e leaise ke tuku a ia ke ano,

Esaia 34:3

Kua tiaki olatou kau mate ki fafo, Kua namuku olatou mate, Ti kua tafe le toto i mauga.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Selemia 11:22

Koia e folafola ai le Eteleno o kau tau, o pati : Ko leinei, e kau tautea loa latou ; E mamate loa a tagata tupulaga i le seleta, E mamate loa olatou vosa mo olatou taineliki i le oge.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Selemia 49:26

Koia e vivilo ai loa ona kau tupulaga i ala, Ti e mamate loa ona kau tagata tau i le aso lena, E pati le Eteleno o kau tau.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Tetelonome 28:21

E sai loa e le Eteleno kiate koe le masaki veli, o kaku ki lou puli i le fenua leia e ke ulu loa ki ai o maua tofiga.

Tetelonome 28:22

E tautea loa a koe e le Eteleno ki le fakalaulautetea, mo le fiva, mo le fufula, mo le vela, mo le masunu, mo le popo, ala e muli loa iate koe o kaku ki lou mate.

Tetelonome 28:60

E kakau mai loa e ia kiate koe a masaki veveli fuli o Esipito, ala na ke lulu ai ; ti e lotou pipiki loa kiate koe.

Tetelonome 7:15

E fakamamao loa e le Eteleno iate koe a masaki fuli ; e leaise tuku loa e ia kiate koe a masaki veveli ala na ke iloa i Esipito, kae tuku loa e ia latou kia latou fuli ala e vesia kiate koe.