Amosi 3:1 - Tosi Tapu

¹ Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 3:1 ပူးပေါင်းရင်းမြစ်များ

Uluaki tosi o Koloniko 16:13

Sakoga o Iselaele, ko lana tagata fakasausau, Fanau a Sakopo, ko ana filifiliia !

Lua tosi o Koloniko 20:15

Ti na pati loa Sakasiele : Kotou fakalogologo mai, Suta katoa mo le kakai o Selusalemi, ti mo koe, sau ko Sosafate ! Ko leinei le folafola a le Eteleno kia koutou : Aua na kotou tuania ti aua na kotou i ki le kakai toka api lena, talie e leaise ko koutou loa ala ka tau, kae ko le Atua.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Esaia 48:12

Sakopo, fakalogo mai kiate au ! Ti mo koe, Iselaele, leia na kau kalagai ! Ko au, io, ko au leia ko le uluaki, Ko au foki leia ko le fakamuli.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 8:3

E malie ake loa le mate i le mauli kia latou fuli ala e toe loa i le kakai agaveli lena, i ganea fuli ala na kau kapu loa latou ki ai, e pati le Eteleno o kau tau.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Mikea 2:3

Koia leia e folafola ai le Eteleno : Ko leinei, e kau fakakaukaui loa ki le kakai lena se malaia ; E leaise kotou fakasao loa i ai okoutou ua, Ti e leaise kotou saele loa mo le ulu e tuu sako, Talie e veveli loa a temi ana.

Mikea 3:1

E kau pati : Kotou fakalogo, pule o Sakopo, Ti mo aliki o le fale o Iselaele ! Pe leaise ko koutou ala e tonu ke iloa ia le faitotonu ?

Sofoni 2:5

Malaia ki kakai o mata tai, ki le puleaga o le kau Keleti ! Na masau le Eteleno kiate koe, Kanaane, fenua o le kau Filisitini ! E kau maumaui loa a koe, e leaise ke toe maua ia loa sou kakai.

Apokalipisi 2:29

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.